Teks Khutbah Jumat Singkat Bahasa Jawa
Gegancangan Nindaaken
Amal Shalih
Ustadz Sadmonodadi
الْحَمْدُ للهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ
بِاللهِ مِنْ شُرُوْرِ أَنْفُسِنَا وَسَيّئَاتِ أَعْمَالِنَا مَنْ يَهْدِهِ اللهُ
فَلاَ مُضِلّ لَهُ وَمَنْ يُضْلِلْ فَلاَ هَادِيَ لَهُ أَشْهَدُ أَنْ لاَ إِلهَ
إِلاّ اللهُ وَأَشْهَدُ أَنّ مُحَمّدًا عَبْدُهُ وَرَسُوْلُهُ. اَللهُمّ صَلّ
وَسَلّمْ عَلى مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ
إِلَى يَوْمِ الدّيْن. يَاأَيّهَا الّذَيْنَ آمَنُوْا
اتّقُوا اللهَ حَقّ تُقَاتِهِ وَلاَ تَمُوْتُنّ إِلاّ وَأَنْتُمْ مُسْلِمُوْنَ، أَمّا بَعْدُ :
Maasyiral muslimin rahimakumullah.
Syukur lan pangalembana konjuk
dhumateng Allah subhanahu wa ta'ala Ingkang Maha Mulya lan Maha Agung.
Shalawat saha salam mugi tansah kaparingna dhumateng Rasulullah Muhammad shallallahu
'alaihi wassalam, dhumateng kulawarga nabi, dhumateng para shahabat lan
mugi-mugi lumeber ugi dhumateng kula panjenengan sami.
Mangga kita tansah ikhtiar
ningkataken taqwa dhumateng Allah SWT kanthi nindaaken sedaya dhawuh-Ipun lan saestu-estu
nilaraken sedaya awisanipun. Lan prayogi kita sami ngencengaken anggen
kula-panjenengan sami cecepengan dhumateng al-Qur'an lan sunnah-sunnah
Rasulullah shallallahu 'alaihi wassalam.
Sedherek-sedherek jama'ah Jum'at
ingkang minulya
Agami suka piwucal bilih
gesang wonten donya punika mboten langgeng. Setunggal wekdal manungsa punika
badhe pejah lan badhe lumebet dhumateng gesang ingkang saestu inggih punika
gesang ing akhirat. Miterat ahli ilmu, ad-dunya mazra'atul aakhirah –
donya iku sawahe akhirat. Wonten donya manungsa nanem kathah-kathahipun winih,
hasilipun badhe kapanen wonten akhirat samangke. Hasil ingkang dipun panen
gumantung wiji ingkang dipun tanem. Wohipun kesaenan awujud kesaenan ugi. Dosa
lan maksiyat badhe ngasilaken kathah-kathahipun siksa lan panandhang.
Agami ngersaaken tiyang
ingkang iman ngisi wekdal wonten donya punika kanthi kesaenan. Ikhtiar ngisi
dinten-dintenipun kanthi sakathah-kathahipun lan sasae-saenipun amal. Anamung
kanthi nanem winih ingkang sae manungsa pantes
ngajeng-ajeng gesang kebak kabingahan ing akhirat. Allah Ta'ala ngendika
ing ayat 26 saking surah Yunus :
لِلَّذِيْنَ اَحْسَنُوا
الْحُسْنٰى وَزِيَادَةٌ ۗ وَلَا يَرْهَقُ وُجُوْهَهُمْ قَتَرٌ وَّلَا ذِلَّةٌ ۗ اُولٰۤىِٕكَ
اَصْحٰبُ الْجَنَّةِ هُمْ فِيْهَا خٰلِدُوْنَ
"Tumrap
wong-wong tumindak becik, ana nugraha kang becik (arupa swarga) lan tambahing nikmat (arupa mriksani Allah). Lan
raine wong-wong mau ora katutupan bledug ireng lan ora (uga) ing kahanan ina.
Wong-wong iku penduduk swraga, wong-wong iku langgeng ing njerone."
Kaum muslimin
rahimakumullah!
Mboten anamung
ndhawuhaken para mukmin supados ngathah-ngathahaken amal sholih, Allah ugi
paring dhawuh murih amal shalih wau dipun tindaaken kanthi gegancangan.
Pangandikan Allah ing ayat 114 saking surat Ali Imran :
يُؤْمِنُوْنَ
بِاللّٰهِ وَالْيَوْمِ الْاٰخِرِ وَيَأْمُرُوْنَ بِالْمَعْرُوْفِ وَيَنْهَوْنَ
عَنِ الْمُنْكَرِ وَيُسَارِعُوْنَ فِى الْخَيْرٰتِۗ وَاُولٰۤىِٕكَ مِنَ
الصّٰلِحِيْنَ
"Wong-wong
mau padha iman marang Allah lan dina akhir, ajak-ajak marang kang ma'ruf lan
nglarang kang mungkar lan gegancangan (nindaake) bebener. Wong-wong mau kalebu
wong-wong kang shalih".
Ing dalem setunggal kalodhangan,
Rasulullah SAW paring nasehat dhumateng para shahabat murih gegancangan
nindaaken amal shalih, sinaosa para shahabat punika mujudaken tetiyang ingkang
sampun peng-pengan imanipun. Ngendikanipun Rasulullah :
بَادِرُوا بِالْأَعْمَالِ فِتَنًا كَقِطَعِ اللَّيْلِ الْمُظْلِمِ
يُصْبِحُ الرَّجُلُ مُؤْمِنًا وَيُمْسِي كَافِرًا أَوْ يُمْسِي مُؤْمِنًا
وَيُصْبِحُ كَافِرًا يَبِيعُ دِينَهُ بِعَرَضٍ مِنْ الدُّنْيَا
"Gegancangana nindaake ama-amal shalih. Sebab
sawiji fitnah bakal tumeka kaya dene bengi kang peteng. Sawiji wong kang esuke
mukmin, sorene dadi kafir. Lan sawiji wong sorene kafir, esuke dadi mukmin.
Dheweke ngedol agamane kanthi rega donya." (Hadits Riwayat Muslim).
Kautamen
setunggal tiyang ing Ngarsanipun Allah SWT, kejawi gumantung dhumateng iman lan
amal shalihipun ugi kapiji saking anggenipun gegancangan anggenipun iman lan nindaaken
amal shalih. Mboten sami antawisipun tiyang-tyang ingkang rumiyin anggenipun
mlebet Islam (as-sabiqunal awwalun) kaliyan tiyang-tiyang ingkang
kentun. Mboten sami jama'ah ingkang wonten shaf awal ing dalem shalat kaliyan
tiyang ingkang wonten barisan wingking. Benten derajadipun tiyang ingkang
ngrawuhi Jum'at paling awal dibanding ingkang akhir.
Jama'ah
Jum'at rahimakumullah!
Ing antawisipun sebab
tiyang iman perlu gegancangan ing dalem nindaaken amal shalih inggih punika :
Sepisan, amargi wekdal
kita estunipun anamung wekdal menika.
Kesempatan kita kangge nindaaken amal anamung
saat menika. Kala wingi sanes gadhahan kita malih. Ingkang sampun kelampahan
mboten saged dipun wangsuli. Piawon kala wingi mboten saged dipun dandani,
wondene kesaenanipun mboten saged dipun wangsuli. Sedaya anamung kantun
sejarah. Piawonipun anamung nilaraken getun, kesaenanipun nuwuhaken raos
syukur.
Wondene wekdal benjang dereng dados gadhahan
kita. Kita mboten mangertos menapa kita taksih dipun kersaaken saged mangertos jumedhulipun
srengenge benjang. Mangka saestu tuna
tiyang-tiyang ingkang nglirwaaken wekdal punika tanpa tumindak sae. Cilaka
sanget tetiyang ingkang wekdalipun katelasaken kangge tumidak awon ingkang tundhonipun
anamung ndumugekaken kacilakan lan panandhang ing akherat samangke.
Jama'ah Jum'at
rahimakumullah!
Sebab kaping kalih kenging menapa kita
kedah cekat-ceket nindaaken amal shalih inggih punika amargi Allah ndhawuhaken
dhumateng tiyang iman murih gegancangan nindaaken dhawuh. Sinten ingkang
gegancangan tumindak sae, mangka Allah njanjeaken dhumateng tetiyang wau
nugraha ingkang agung. Allah Ta'ala ngendika :
وَسَارِعُوا إِلَى مَغْفِرَةٍ مِنْ رَبِّكُمْ
وَجَنَّةٍ عَرْضُهَا السَّمَوَاتُ وَالْأَرْضُ أُعِدَّتْ لِلْمُتَّقِينَ
“Pada gegancangana sira marang pangapurane
Allah lan marang swarga kang jembare kaya jembare langit lan bumi kang
dicawisake tumrap wong-wong kang takwa." (QS. Ali Imran: 133).
Jama'ah rahimakumullah!
Kaping tiga, kenging
menapa kita perlu gegancangan ing dalem tumindak sae inggih punika amargi
saben-saben amal punika nggadhahi wekdalipun piyambak.
Saben-saben wekdal
punika wonten amalipun piyambak. Kanyata kathah amal shalih ingkang nggadhahi
wekdal ingkang sampun tartamtu. Nalika wekdalipun telas mangka pungkas ugi
kesempatan kangge nindaaken. Shalat umpaminipun nggadhahi wekdal khusus kangge
nindaaken. Sholat dhuhur anamung saged dilampahi ing wekdalipun inggih punika
nalikanipun srengenge sampun ngglewar ngantos wewayangan setunggal barang
langkung panjang tinimbang barang aslinipun. Makaten ugi shiyam, haji, qurban lan
ibadah sanesipun ingkang anamung saged katindaaken ingkang sampun gumathok.
Ma'asyiral muslimin
rahimakumullah!
Sebab ingkang kaping sekawan inggih punika amargi kesempatan kangge nindaaken
amal dipun paringaken dhumateng setunggal tiyang anamung ing dalem kesempatan ingkang tartamtu kemawon. Tiyang sugih dipun
paring kesempatan nindaaken amal ngginaaken bandhanipun. Tiyang-tiyang ingkang
pinter dipun paringi kesempatan nindaaken amal kanthi ilmunipun. Pemimpin
dipun paring kesempatan nindaaken amal kanthi kuwaosipun. Sampun ngantos Allah
mendhet kesempatan wau lan kita dereng tumindak sae. Kesehatan, wekdal , gesang, arta bandha, kuwaos,
kalenggahan punika mujudaken kesempataa kangge nindaaken amal.
Jama'ah Jum'at rahimakumullah!
Mboten wonten wekdal malih kangge nimbang-nimbang.
Anamung sak menika wekdal kita. Prayogi kita sami gegancanagn nindaaken amal
shalih netepi kaliyan wekdalipun. Mangga kita sami gegancangan nindaaken
kesaenan ngantos takdir nemtoaken wekdal kita sampun dumugi akhir.
أَقُوْلُ
قَوْلِيْ هَذَا وَأَسْتَغْفِرُ اللهَ لِيْ وَلَكُمْ. فَاسْتَغْفِرُوْهُ، إِنَّهُ هُوَ
الْغَفُوْرُ الرَّحِيْمُ، وَادْعُوْهُ يَسْتَجِبْ لَكُمْ.
KHUTBAH KEDUA:
اَلْحَمْدُ للهِ رَبِّ الْعَالَمِيْنَ،
وَالْعَاقِبَةُ لِلْمُتَّقِيْنَ، وَلَا عُدْوَانَ إِلَّا عَلَى الظَّالِمِيْنَ. أَشْهَدُ أَنْ لاَ إِلهَ إِلاّ اللهُ الْمَلِكُ الْحَقُّ الْمُبِيْنُ ، وَأَشْهَدُ أَنّ
مُحَمّدًا عَبْدُهُ وَرَسُوْلُهُ الصَّادِقُ الْوَعْدُ الْأَمِيْنُ. عِبَادَ اللهِ ، أُوْصِيْكُمْ
بِتَقْوَى اللهِ وَطَاعَتِهِ لَعَلَّكُمْ تُفْلِحُوْنَ.
Jamaah Jum'at ingkang dipun rahmati Allah!
Mawantu-wantu kula ngemutaken dhumateng pribadhi kula
piyambak lan para jama'ah sami, mangga tanpa kendhat kita ngaturaken panyuwunan
dhumateng Allah, murih kawilujengan lan kasantosan tansah kaparingaken
dhumateng Rasulullah SAW, keluarganipun, para shahabat lan dhumateng sedaya
pendherekipun ngatos akhir zaman.
Allah sampun ngemutaken ing dalem al-Qur'an :
إِنَّ
اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيماً
"Satemene Allah lan malaikat-malaikat-E shalawat
tumrap Nabi. He wong-wong kang padha iman, shalawata sira tumrape Nabilan padha
shalawata sira kanggone Nabi lan padha uluka salam kurmat marang piyambake
Nabi". (Al-Ahzab: 56).
اَللَّهُمَّ صَلِّ عَلَى مُحَمَّدٍ وَعَلَى آلِ
مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ
حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا
بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ
مَجِيْدٌ. اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ. رَبَّنَا ظَلَمْنَا
أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ
الْخَاسِرِينَ.
. للَّهُمَّ أَعِزَّ الْإِسْلاَمَ وَالْمُسْلِمِيْنَ، وَأَذِلَّ الشِّرْكَ
وَالْمُشْرِكِيْنَ. رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا
قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. اَللهُمَّ تَقَبَّلْ
مِنَّا صَلاَتَنَا وَصِيَامَنَا وَأَعْمَالَنَا وَجَمِيِعَ عِبَادَاتَنَا
بِرَحْمَتِكَ يَا َأرْحَمَ الرَّاحِمِيْنَ رَبَّنَا اغْفِرْ لَنَا وَلِوَالِدِيْنَا وَاْرحَمْهُمَا كَمَا
رَبَّيَانَا صِغَارًا. رَبَّنَا اتِنَـا فِى
الدُّنْيـَا حَسَنَةً وَّفِى اْلآخِرَةِ حَسَنَةً وَقِنَـا عَذَابَ النَّارِ. وَ
اَلْحَمْدُ ِللهِ رَبّ الْعَالَمِينَ
Posting Komentar