Teks Khutbah Jumat Singkat Bahasa Jawa
Bekti Dateng Tiyang Sepuh
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ
هَادِىَ لَهُ, وَأَشْهَدُ أَنْ لاَ إِلَهَ
إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ, اللّهُمَّ صَلِّ عَلَى
نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ
الدِّيْنِ, أَمَّا بَعْدُ, فَيَا
عِبَادَ اللهِ أُصِيْكُمْ وَإِيَّايَ بِتَقْوَى اللهِ. قَالَ اللهُ تَعَالَى
فِيْ الْقُرْآنِ الْكَرِيْمِ: يَا أَيُّهاَ الَّذِيْنَ ءَامَنُوا اتَّقُوا اللهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
Jamaah jumah rahimakumullah
Puji syukur sumangga tansah kita kunjukaken dhumateng Allah Ta’ala ingkang sampun paring rahmat
dumateng sedaya umat ipun
saengga wonten siang menika kita tansah manggih rahayu, widada nir ing
sambekala. Shalawat ugi salam mugi tansah katetepaken dhumateng nabi Muhammad SAW ingkang tansah kita tengga syafaatipun wonten ing dinten kiyamah.
Jamaah jumah rahimakumullah
Wonten kesempatan khutbah siang menika khatib wasiat
sumangga kita tingkataken taqwa dhumateng Allah kanti nindakaken dhawuhipun lan
nebihi laranganipun. Mugi kanti taqwa panggesangan kita tansah manggih kamulyan fiddunya wal akhirah. Amiin.
Jamaah jumah rahimakumullah
Bekti dateng tiyang sepuh mujudaken perkawis ingkang
pokok menggah agami islam. Islam ndadosaken bekti dateng tiyang sepuh menika
setunggal kewajiban tumrap saben muslim. Bekti dateng tiyang sepuh ugi dados
ciri lampah gesangipun muslim lan mukmin. Ngendika Allah ing surah al- isra
ayat kaping 23:
وَقَضَىٰ رَبُّكَ أَلَّا تَعْبُدُوٓا۟ إِلَّآ إِيَّاهُ وَبِٱلْوَٰلِدَيْنِ
إِحْسَٰنًا ۚ إِمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا
تَقُل لَّهُمَآ أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا
“Lan Pengeranira
dawuh supaya sira aja pisan- pisan nyembah kejaba mung marang Panjenengane,
sarta paring dawuh supaya sira tumindak becik marang wong tuanira loro, menawa
salah sijine utawa sakarone mau dadi kukubanmu mangka wus tua, mula aja pisan-
pisan nguneke “hus” lan aja nyentak marang sakarone, nanging ngucapa marang
sakarone kanthi tembung- tembung sing becik”. (QS. Al Isra’: 23).
Ing katah ayat Allah Ta’ala
nyebataken dhawuh ngibadah dateng Panjenegnipun sesarengan kaliyan dawuh bekti
marang tiyang sepuh. Ayat menika dipun sebataken sesarengan amargi wontenipun
kita sedaya ing alam dunya menika amargi dipun titahaken Allah lajeng lantaranipun
tiyang sepuh kekalih. Mekaten ugi tiyang sepuh kekalih menika mboten saget
dipun ukur jasa- jasanipun dumateng kita sedaya. Menawi tauhid menika kunci
utama surga, mila bekti dateng tiyang sepuh menika kunci kaping kalih kagem
lumebet surga.
Kasebat
ing kitab Shahihain saking Abdullah bin Mas’ud Radhiyallahu’anhu ngendika :
سَأَ لَتُ النَّبِيُّ
ص م أَيُّ اْلعَمَلِ أَحَبُّ إِلَى اللهِ قَالَ الصَّلاَةُ عَلَى وَقْتِهَا قَالَ ثُمَّ
أَيٌّ قَالَ بِرُ اْلوَلِدَيْنِ قَالَ ثُمَّ أَيٌّ قَالَ اْلجِهَادُ فِيْ سَبِيْلِ
اللهِ
“Kula nyuwun pirsa dateng Nabi
Shallallahu’alaihiwasalam :”amalan punapa ingkang langkung utami?” Kanjeng Nabi
Ngendika :”Shalat pas wektune”. Kula nyuwun preksa malih :”lajeng punapa
malih?” Kanjeng Nabi Ngendika malih :”Bekti marang wong tua sakarone”. Kula
tasih nyuwun preksa malih :”lajeng punapa malih?” Kanjeng Nabi lajeng ngendika
malih ;”Jihad ing dalaning Allah.”
Jamaah jumah rahimakumullah
Cara bekti
dateng tiang sepuh kekalih inggih menika kanthi sae ing pangucap, tumindak saha
banda.
Tumindak sae kanti pangucap inggih menika tansah
ginakaken tetembungan ingkang prayogi kanthi sopan santun saha susila.
Tumindak sae kanthi patrap inggih menika tansah leladi
dateng kekalihipun kanthi tenaga, bahu suku, penggalihan kangge anyekapi sedaya
kabetahanipun tiang sepuh kekalih, kangge gampilaken sedaya urusanipun.
Tumindak becik kanthi banda, inggih menika kanthi raos
ikhlas caos pambiantu ingkang arupi banda sakcekapipun ing pangajab sageta
amewahi kabagyanipun tiang sepuh kekalih kanthi mboten ngucik-ucik sedaya
ingkang sampun dipun caosekan, supadhos mboten gerah ing panggalih.
Hadirin jamaah jumah rahimakumullah
Mekaten seperangan perkawis
bekti dateng tiyang sepuh ingkang khatib aturaken wonten khutbah siang menika.
Mugi Allah SWT tansah paring pitedhah dumatheng kita sedaya saengga kita saget
dados putra- putri ingkang bekti dateng tiyang sepuh.
أَقُوْلُ قَوْلِي هَذَا وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kedua
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Posting Komentar