Teks Khutbah Jumat Singkat Bahasa Jawa
Piwucal saking Lato lato
Ust. Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ
هَادِىَ لَهُ
وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ
شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
اللّهُمَّ صَلِّ عَلَى نَبِيِّنَا مُحَمَّدٍ وَعَلَى
آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
يَا أَيُّهَا الَّذِينَ آمَنُوا اتَّقُوا اللَّهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah siang punika khatib wasiat sumangga kula
lan panjenengan tansah ningkataken taqwa dhumateng Allah kanti nindakaken dhawuhipun lan nebihi laranganipun. Mugi kanti taqwa Allah
tansah maringi barakah fiddunya wal
akhirah. Amiin.
Wekdal punika masyarakat nembe dipun gayengaken setunggal dolanan ingkang
dipunsebat lato- lato. Wonten ing wulan Desember 2022 dolanan lato- lato punika
dipun viralaken salah setunggal akun tik- tok, saksampunipun punika lajeng
katah tiyang sami dolanan lato- lato. Dolanan punika tambah viral malih nalika
Gubernur Jawa Barat Ridwan Kamil lan ugi Presiden Republik Indonesia Bapak Joko
Widodo nyobi dolanan punika.
Seperangan tiyang paring pemanggih ingkang benten- benten babagan dolanan
lato- lato punika. Wonten ingkang remen lan paring dukungan amargi dolanan lato-
lato punika saget ngurangi kebiasaan lare saking gadget/ handphone. Wonten
ingkang ngendika bilih dolanan punika kathah manfaatipun amargi nglatih
ketrampilan lare. Ananging ugi wonten ingkang paring tanggapan mboten remen
dhateng lato- lato punika, amargi asal- usulipun sanes saking Indonesia lan
wonten ingkang ngendika suwanten saking lato- lato punika berisik ngganggu
tiyang sanes.
Jamaah jumah rahimakumullah
Sinten kemawon
dipunkeparengaken paring pemanggih sarujuk utawi mboten sarujuk dhateng dolanan
arupi punapa kemawon. Ananging selaku tiyang mukmin ingkang paling wigatos
tumrap kula lan panjenengan inggih punika mendhet hikmah saking sedaya prastawa
ingkang kalampah ing alam donya punika. Allah ngendika ing al- quran:
إِنَّ فِي خَلْقِ السَّمَاوَاتِ وَالْأَرْضِ
وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِ
“Sanyata
ana ing tinitahing langit lan bumi lan beda- bedaning rina kalawan wengi yekti
ana tanda (Kuasane Allah) tumrap wong- wong kang padha duwe akal.” (Ali-
Imran:190).
Punapa kemawon ingkang
lumampah wonten ing bumi punika menawi dipun gatosaken yekti wonten piwulang
tumrap kula lan panjenengan. Kantun kula lan panjenengan saget mundut piwulang
kasebat punapa mboten. Mekaten ugi dolanan lato- lato punika, menawi kula lan
panjenengan gatosaken kanyata wonten piwulang ingkang wigatos ugi saking
dolanan kasebat. Mila sumangga kula lan panjenengan nggatosaken piwulang punapa
kemawon ingkang saget dipun pendet saking dolanan punika.
1.
Wigatinipun Fokus
Nalika dolanan lato- lato dipun betahaken fokus antawisipun fikiran lan
gerak tangan. Fokusipun fikiran lan gerak tangan punika dados sarana lato- lato
saget gerak kanthi harmoni. Menawi tangan lan fikiran mboten fokus mila
obahipun lato- lato mboten badhe harmoni.
Saking lato- lato punika kula lan panjenengan dipun paringi piwulang
wigatinipun fokus ing panggesangan. Fokus ing panggesangan punika dados sarana
gampilipun nggayuh cita- cita. Tegesipun, menawi kula lan panjenengan kagungan
idham- idhaman mila kedah dipun ikhtiyari kanthi fokus. Fokus ing ndalem
ikhtiyar punika mujudaken perkawis ingkang pokok kagem kasembadanipun gegayuhan
kula lan panjenengan.
Ngendika rasulullah:
تَعْجِزْ
وَلاَ بِاللَّهِ وَاسْتَعِنْ يَنْفَعُكَ مَا عَلَى احْرِصْ
“Sira
becik gumbregah (kanthi fokus) tumrap perkara kang manfaat marang sira, lan
nyuwuna pitulungane Allah, lan aja nglokro” (HR. Muslim).
2.
Wigatinipun Istiqamah
Ngobahaken lato- lato sak lentunipun mbetahaken fokus, ugi kedhah kanti
istiqamah. Menawi dipun cobi sepisan utawi kaping kalih dereng saget gerak
kanthi harmoni mila kedhah dipun cobi kaping tiga lan sak lajengipun ngantos
kasil. Saking perkawis punika saget dipun pendet piwulang wigatinipun
istiqamah. Istiqamah punika perkawis ingkang wajib dipun lampahi tumrap tiyang
mukmin. Nindakaken pakaryan utawi pangibadahan kedhah dipun sarengi sikap
istiqamah.
Tiyang makarya utawi ngibadah punika mesti wonten rubedhanipun. Mboten
wonten setunggal kemawon pakaryan utawi pangibadahan ingkang sepi saking
pacoben. Mila, kula lan panjenengan wajibipun nindakaken sedaya lampah ikhtiyar
ing margi panggesangan punika kanthi linambaran istiqamah. Kanthi istiqamah,
insyaallah sedaya pakaryan badhe saget katindakaken kanthi lulus, tuntas lan
paripurna. Ngendika Allah Ta’ala:
إِنَّ الَّذِينَ قَالُوا رَبُّنَا
اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا
تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ
تُوعَدُونَ
Jamaah jumah rahimakumullah
Mekaten khutbah jumat
ingkang khatib aturaken ing siang punika, mugi Allah tansah paring hidayah
dhumateng kula lan panjenengan satemah saget nglampahi panggesangan punika
kanthi fokus lan istiqamah. Aamiin.
أَقُوْلُ قَوْلِي هَذَا وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat bahasa Jawa ini dalam bentuk PDF silahkan download melalui tautan berikut ini :
Posting Komentar