Teks Khutbah Jumat
Singkat
Ajak-ajak Dhumateng Kesaenan
Ustadz Sadmonodadi
اَلسَّـــلاَمُ
عَلَيْكُمْ وَرَحْمَةُاللهِ وَبَرَكَاتُهُ
اَلْحَمْدُ لِلَّهِ أَمَرَنَا أَنْ نَتَعَاوَنَ عَلَى الْبِرِّ وَ
التَّقْوَى وَلاَ نَتَعَاوَنَ عَلَى الإِثْمِ وَالْعُدْوَانَ. اَشْـهَدُ اَنْ لاَاِلهَ اِلاَّاللهُ,
وَاَشْـهَدُ اَنَّ مُحَمَّدًا رَسُوْلُهُ. اَللّهـمَّ صَلِّ وَسَلِّمْ
عَلَى نَبِيِّنَا مُحَمَّدٍوَعَلَىالِهِ وَصَحْبِهِ وَمَنْ وَالاَهُ. اَمَّابَعْدُ
: يَااَيُّهَـاالنَّاسُ ! اُوْصِيْكُمْ وَنَفْسِىبِتَقْوَى اللهِ لَعَلَّكُمْ
تُرْحَمُوْنَ.
Sidang
jama'ah Jum'ah ingkang kawula hormati!
Mangga
kita sami ngunjukaken puja saha puji dhumateng Ngarsa Dalem Allah SWT, Dzat
ingkang sampun ngutus Rasulullah Muhammad SAW pinangka tuladha sae menggahipun
sedaya mukmin muslim. Shalawat saha salam mugi tansah katetepna dhumateng
Kanjeng Nabi Muhammad SAW semanten ugi dhumateng keluarganipun, dhumateng para
sahabat lan dhumateng sedaya pandherekipun ngantos dinten akhir zaman. Aamiin
yaa rabbal ‘aalamiin.
Ing
purwakaning khutbah punika keparenga kula atur wasiat dhumateng panjenengan
sami, para sedherek muslim ingkang kula tresnani, tetepa panjenengan sami
lumampah ing margi taqwa lan sampun gampil-gampil kapilut panggodhaning syetan.
Awit anamung taqwa ingkang badhe ndumugeaken kula panjenengan sami ing
kawontenan sae. Lan saestu, syetan punika nyata-nyata mengsahipun manungsa
iman.
Sidang
jum’ah rahimakumullah.
Kewajiban
dhumateng agami wonten tiga : nyinau, ngamalaken lan ndakwahaken utawi
mbiwaraaken dhumateng sedaya tiyang.
Nggegulang
ilmu agami utawi ngaos, kita mangertos
pentingipun. Kita mboten badhe mangertos lan faham menawi mboten nate sinau.
Manungsa tansah ing kawontenan jahil utawi bodho ing babagan agami menawi
mboten nate ngaos. Ilmu penting menggahing
amal shaleh. Awit amal shaleh mboten lelandhesan ilmu, punika amal
ingkang ngawur. Amal tanpa ilmu punika mboten badhe katampi dening Allah SWT.
Pramila ‘amal punika kedah dipun ngilmoni Ngendikanipun para ulama al-‘ilmu
qabla ‘amal - ilmu kuwi sadurunge
amal.
Sasampunipun
mangertos – kewajiban salajengipun ngamalaken. Mboten manfaat manawi ilmu
punika mandheg dumugi mangertos kewala. Ilmu tanpa amal punika kados dene wit
tanpa uwoh … kasyajaratin bilaa tsamrin. Ngendikane para sepuh, ilmu iku kelakoni kanthi laku. Pramila ilmu
kedah pun amalaken murih saged ndumugeaken manfaat ingkang kathah : kangge
pribadi piyambak lan akathah.
Kaum
Muslimin rahimakumullah!
Kewajiban
mukmin dhumateng agami salajengipun
injih punika ndakwahaken; nun inggih ajak-ajak sedaya manungsa cecepengan dhumateng agami, ajak-ajak amar ma’ruf lan
nahi mungkar. Ngajak-ajak tumindak sae lan nebihi
pedamelan njemberi, sae miturut agami, mungkar miturut agami.
Dakwah
amar ma’ruf nahi mungkar punika miterat para ulama kalebet fardhu kifayah :
kewajiban tumrap sedaya pribadi-pribadi muslim.
وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ
وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ
الْمُفْلِحُونَ
“Lan anaa ing antaranira sagolongan umat kang
ajak-ajak marang kebecikan, mrentahake kang ma’ruf lan nyegah saka tumindak
mungkar. Lan wong-wong mau klebu wong kang pikoleh kabegjan”. (Q.S.
Ali Imran : 104)
Ing
ayat sanes Allah ngendika bilih : Tiyang-tiyang ingkang kersa ajak-ajak
dhumateng kesaenan : kagolongaken ing ndalem golongan khoiru ummah nun inggih umat pinuji, umat ingkang paling
sae.
كُنْتُمْ خَيْرَ
أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ
الْمُنْكَرِ وَتُؤْمِنُونَ بِاللَّهِ
“Sira
kabeh kalebu umat kang becik dhewe yang dilairake tumrap manungsa supaya
ajak-ajak marang kabecikan, nyegah saka tumindak mungkar lan padha iman marang
Allah”. (Q.S. Ali Imran : 110)
Miturut Al-Qur’an, pangandikan ingkang
paling sae inggih punika pangandikanipun tiyang ingkang ajak-ajak dumateng
agaminipun Allah. Wonten serat Fushilat
ayat 33 Allah ngendika :
وَمَنْ
أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي
مِنَ الْمُسْلِمِينَ
“Sapa ta wong kang luwih becik guneme
ketimbang karo wong kang ajak-ajak netepi agamane Allah, tur dheweke dhewe gelem
nindaake laku becik mau, lan ngucap : ‘saktemene aku iki golonganane wong kang
sumarah”.
Kaum muslimin
rahimakumullah!
Temtu
dakwah amar ma’ruf nahi munkar punika mboten kedah pidato sanginggilipun
mimbar. Mboten kedah liwat khutbah-khutbah
utawi ceramah-ceramah ing sangajengipun tiyang kathah.
Kewajiban
agami punika saged kita lampahi kanthi cara-cara prasaja : ngajak kulawarga
nindaaken shalat, shiyam, tumindak sae, mboten wicanten goroh, mboten adu-adu,
mboten ngendikaaken awonipun tiyang sanes. Kita saged ngemutaken tangga
tepalih, liwat mapinten-pinten pakempalan utawi nalika nembe jejagongan, bilih Allah sampun peparing kathah dhumateng
kita sami, pramila sampun samesthinipun
kita sami bersyukur dhumateng Allah kanthi nyembah lan ngibadah
dhumateng Allah. Kita saged ngajak tetiyang ing kanan kering panjenengan sami,
sareng-sareng ngrawuhi sholat-sholat jama’ah wonten masjid, ngrawuhi pengaosan
utawi ta’lim-talim ing masjid, lan sanes-sanes
kesaenan. Kita saged ajak-ajak tanggi-tepalih nebihi lampah maksiyat : mboten
mendhet darbeking asanes, mboten rasan-rasan awon, mboten ngendikan ingkang
natoni manahipun asanes.
Makaten
para lenggah, kathah cara tumrap kula sami nenepi dhawuh mbiwaraaken agami
punika.
Kaum muslimin rahimakumullah
Dhumateng
tetiyang ingkang kersa ajak-ajak
dhumateng tumindak sae Allah badhe paring ganjaran ingkang ageng. Allah badhe paring ganjaran dhumateng tiyang ingkang ajak-ajak sae ; ingkang agengipun sami kaliyan ganjaran
ingkang Allah paringaken dhumateng tiyang ingkang nindaaken kesaenan tanpa
Allah ngirangi ganjaranipun tiyang ingkang nindaaken. Ngendika Rasulullah SAW
ing dalem hadits ingkang dipun riwayataken dening Imam Muslim : :
مَنْ سَنَّ فِي اْلإِسْلاَمِ سُنَّةً حَسَنَةً فَلَهُ
أَجْرُهَا وَأَجْرُ مَنْ عَمِلَ بِهَا بَعْدَهُ، مِنْ غَيْرِ أَنْ يَنْقُصَ مِنْ
أُجُوْرِهِمْ شَيْءٌ
“Sapa wae kang
nindaake ing dalem Islam sunnah kang becik, mangka dheweke bakal oleh ganjaran
lan ganjaran wong kang melu-melu tanpa ngurangi ganjaran wong kang melu-melu
iku”.
Kaum
muslimin rahimakumullah
Agami
sampun suka keterangan dhumateng kula
panenengan sami, bilih perkawis agami punika mboten anamung urusan
pribadhi-pribadhi. Agami punika urusan sedaya umat, urusan jama’ah umat Islam.
Mboten leres setunggal muslim anamung menggalih kepentingan piyambak sesarengan
punika nglirwaaken usuan urusan-urusan umat. Mboten leres setunggal muslim
punika pengin mulya piyambak, pengin remen piyambak, pengin minggah swarga
piyambakan.
Malah
kepawis, tiyang-tiyang ingkang mboten
kersa menggalihaken kepentingan umat, tiyang-tiyang ingkang mboten kerja
mbiwaraaken agami, ajak-ajak dhumateng
kesaenan lan nyegah saking awisan, tiyang-tiyang wau mboten kacathet minangka
umatipun Rasulullah Muhammad SAW. Pramila menawi pengin tetep kalebet umatipun
Nabi, umat ingkang dipun tresnani dening Allah mangga kita tansah ajak – ajak
kesaenan, sasaged-saged lan sakongang
kula - panjenengan piyambak-piyambak .
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْم
فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ
Khutbah 2
اَلْحَمْدُ لِلّهِ رَبِّ الْعَالَمِيْنَ
وَالْعَاقِبَةُ لِلْمُتَّقِيْنَ وَلاَعُدْوَانَ اِلاَّ عَلَى الظَّالِمِيْنَ. أَشْــهَدُ أَنْ لاَ اِلهَ اِلاَّ اللهُ وَحْدَهُ
لاَشَرِ يْكَ لَهُ الْمَلِكُ الْحَقُّ الْمُبِيْنُ. وَاَشْــهَدُ أَنَّ مُحَمَّدًا
عَبْدُهُ وَرَسُوْلُهُ صَادِقُ الْوَعْدِ اْلأَ مِيْنِ. اَللّهـمَّ صَلِّ وَسَلِّمْ
عَلَى نَبِيِّنَا مُحَمَّدٍ وَ عَلَى الِهِ وَاَصْحَبِهِ أَجْمَعِيْنَ. قَالَ تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ
تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.
إِنَّ اللهَ وَمَلاَئِكَتَهُ
يُصَلُّوْنَ عَلَى النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا
عَلَيْهِ وَسَلِّمُوْا تَسْلِيْمًا. اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا
صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ. وَبَارِكْ عَلَى
مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ
إِبْرَاهِيْمَ، إِنَّكَ حَمِيْدٌ مَجِيْدٌ.
اَللَّهُمَّ اغْفِرْ
لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ
اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ
الدَّعَوَاتِ.
اللَّهُمَّ
أَعِزَّ الْإِسْلاَمَ وَالْمُسْلِمِيْنَ وَأَذِلَّ الشِّرْكَ وَالْمُشْرِكِيْنَ.
اللَّهُمَّ أَصْلِحْ أَحْوَالَ الْمُسْلِمينَ فِي كُلِّ مَكَانٍ. اللَّهُمَّ
اجْعَلْ هَذَا الْبَلَدَ آمِنًا مُطْمَئِنًّا وَسَائِرَ بِلاَدِ الْمُسْلِمِيْنَ
عَامَّةً، يَا رَبَّ الْعَالَمِيْنَ
رَبَّنَا هَبْ لَنَا مِنْ أَزْوَاجِنَا
وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا لاَ تُزِغْ قُلُوْبَنَا بَعْدَ إِذْ هَدَيْتَنَا وَهَبْ لَنَا مِن لَّدُنْكَ رَحْمَةً إِنَّكَ أَنتَ الْوَهَّابُ
رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا
وَتَرْحَمْنَا لَنَكُونَنَّ مِنَ الْخَاسِرِينَ.. رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ. وَالْحَمْدُ لِلَّهِ رَبِّ الْعَالَمِيْنَ
Posting Komentar