Teks Khutbah Jumat Singkat
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ
هَادِىَ لَهُ , وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ, اللّهُمَّ صَلِّ عَلَى نَبِيِّنَا
مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ, يَا أَيُّهَا الَّذِينَ آمَنُوا اتَّقُوا اللَّهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah siang punika khatib wasiat sumangga tansah
ningkataken taqwa dhumateng Allah kanti nindakaken dhawuhipun lan nebihi awisanipun. Mugi kanti taqwa Allah SWT tansah paring
kamulyan fiddunya wal akhirah. Amiin.
Jamaah jumah rahimakumullah
Sinten mawon tiyang ingkang gesang wonten dunya punika mesthi ngraosaken
susah lan ngraosaken bungah. Susah lan bungah punika sandanganipun tiyang
gesang ingkang gilir gumanti dipun sandang. Kadhang kala enjingipun bungah
ananging sontenipun susah, utawi dalunipun susah ananging siangipun bungah.
Mboten wonten tiyang ingkang bungah terus lan ugi mboten wonten ingkang susah
terus. Sinten kemawon saking kula lan panjenengan kedhah siyap ngraosaken
bungah lan siyap ugi ngraosaken susah. Ngendika Allah ing Al- Quran:
وَتِلْكَ ٱلْأَيَّامُ نُدَاوِلُهَا بَيْنَ ٱلنَّاسِ
وَلِيَعْلَمَ ٱللَّهُ ٱلَّذِينَ ءَامَنُوا۟ وَيَتَّخِذَ مِنكُمْ شُهَدَآءَ ۗ
وَٱللَّهُ لَا يُحِبُّ ٱلظَّٰلِمِينَ
“Lan dina kang mengkono mau (susah utawa bungah) Ingsung gilir-
gumantekake ana ing antarane para manungsa. Supaya Allah ngawuningani wong kang
pada iman lan sebagean sira dikersaake mati syahid. Lan Allah iku ora remen
marang wong kang nganiyaya”. (Ali Imran:140)
Miterat tafsir Li Yaddabaru Ayatih : “Dunya iki papane lelakon
kang gilir gumanti lan ora ajeg. Kadhang kala ana kang nduweni derajat duwur
ananging banjur dadi asor derajate, semono uga kadhang kala ana kang sugih
banjur dadi mlarat, utawa ana kang mlarat banjur dadi sugih, ora ana kang ajeg
ana ing dunya iki.”
Jamaah jumah rahimakumullah
Lampah panggesangan saben tiyang punika mesthi nampi perkawis ingkang susah
lan bungah. Menawi dipun keparengaken milih mesthi kula lan panjenengan milih
ingkang bungah mawon. Mboten wonten saking kula lan panjenengan ingkang kersa
milih perkawis ingkang nyusahaken. Ananging ingkang kedhah kula lan panjenengan
Yakini bilih bungah lan susah punika sami sami peparingipun Allah SWT.
Saklajengipun, ingkang kedah kula lan panjenegan Imani, manungsa dipun
titahaken wonten ing dunya punika sejatosipun supados nglampahi pacoben. Punapa
kemawon pacobenipun?
Pacobenipun arupi susah lan bungah, sugih lan mlarat, sehat lan sakit,
pinter lan bodo lan sanesipun. Pacoben punika dipun paringaken kagem mangertosi
sinten ingkang sae tumindhakipun.
Jamaah jumah rahimakumullah
Panutan kula lan panjenengan nabi agung Muhammad
SAW sampun suka dawuh kadospundi ngadepi kasunyatan ingkang bungah utawi susah.
Ngendika nabi Muhammad SAW:
عَجَبًا
لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلاَّ
لِلْمُؤْمِنِ إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ
أَصَابَتْهُ ضَرَّاءُ صَبَرَ فَكَانَ خَيْرًا لَهُ
“Temen
nggumunake perkarane wong mukmin iku, sanyatane kabeh kahanane iku becik lan
ora ana kang bisa mengkono kejaba wong mukmin. Menawa pekoleh kesenengan deweke
syukur, mula syukur iku becik tumrap deweke. Lan menawa pekoleh kasusahan
deweke sabar, mula sabar iku becik tumrap deweke.” (HR. Muslim:2.999)
Mundut
piwucal saking sabdanipun Rasulullah ing nginggil, susah lan bungah punika
saget mbekta kesaenan menawi dipun tampi kanthi leres. Menawi nampi perkawis
ingkang nyusahaken kula lan panjenengan wajib sabar, lan menawi nampi perkawis
ingkang mbungahaken kula lan panjenegan kedah Syukur. Menawi sabar lan Syukur
saget dados lampah gesang kula lan panjenengan, insyaallah gesang punika
raosipun eca lan sekeca.
Jamaah jumah rahimakumullah
Mekaten
khutbah jumat ingkang khatib aturaken siang punika mugi Allah tansah paring
hidayah lan taufiq satemah kula lan panjenengan saget nglampahi panggesangan
wonten ing dunya punika kanthi istiqamah. Amiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
Posting Komentar