.png)
Nilaraken
Dzikir
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ, وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
Maasyiral muslimin jamaah jumah rahimakumullah
Sumagga kita tansah syukur dhumateng Allah Ta’ala, awit
sedaya nikmat ingakang sampun kaparingaken dumateng kita sedaya. Shalawat ugi
salam mugi tansah katetepaken dumateng nabi Muhammad SAW ingkang tansah kita
tengga syafaatipun wonten ing dinten qiyamah.
Wonten kesempatan khutbah siang punika khatib wasiat
sumangga tansah ningkataken taqwa dumateng Allah kanti nindakaken dawuhipun lan
nebihi awisanipun. Mugi kanti taqwa Allah tansah paring kamulyan fiddunya wal
akhirah. Amiin.
Islam paring dhawuh bilih katentreman panggesangan
punika saget dipungayuh kanti nyaket lan dzikir dumateng Allah. Dzikir ingkang dipun maksud injih punika
tansah emut dumateng Allah wonten pundi kemawon lan wonten kahanan punapa
kemawon. Allah Ta’ala ngendika wonten ing al- quran:
فَاِذَا قُضِيَتِ الصَّلٰوةُ فَانْتَشِرُوْا
فِى الْاَرْضِ وَابْتَغُوْا مِنْ فَضْلِ اللّٰهِ وَاذْكُرُوا اللّٰهَ كَثِيْرًا
لَّعَلَّكُمْ تُفْلِحُوْنَ
“Mula menawa shalat (Jum’at)
iku wis diestoake, enggal pada sumebara sira ing sak lumahing bumii, lan padha
ngupadia rejekine Allah, lan pada elinga sira marang Allah, supaya sira oleh
kabegjan.”(Q.S. Al-Jumu’ah: 10)
Maasyiral muslimin jamaah jumah rahimakumullah
Ayat punika suka dhawuh bilih kabegjan lan kamulyan
punika saget dipun gayuh kanthi emut dhateng Allah. Artosipun tiyang ingkang ngersakaken
mulya panggesanganipun kedah tansah emut dumateng Allah. Kanti emut dateng
Allah saget andadosaken tiyang kasebat ngatos- atos menawi bade tumindak utawi
ngendika. Tansah menggalih pundi ingkang sae lan pundi ingkang awon, pundi
ingkang dipun keparengaken Allah lan pundi ingkang dipun awisi. Cekak asosipun
emut dhateng Allah badhe mbeta lampah kula lan panjenengan wonten margi ingkang
dipun ridhai Allah Ta’ala. Menawi Allah sampun ridha saget andamel raos ayem
tentrem ing kahanan kados punapa kemawon. Sugih utawi mlarat menawi dipunridhai
Allah raosipun sekeca. Makaryo wonten bidang punapa kemawon menawi dipun ridhai
Allah raosipun minulya. Pikantuk rejeki sepinten kemawon menawi dipun ridhai
Allah ugi raosipun ketrima.
Sakpunika kula lan panjenengan gesang ing jaman
akhir, ingkang mboten sekedik saking sanak sederek kita sampun nebihi dzikir
dhateng Allah. Ibadah sampun mboten dipun jagi, srawung wonten masyarakat
sampun mboten ngginakaen akhlaq islami, ngupadi bandha sampun nilaraken hukum
halal lan haram. Ing mangka Allah sampun paring pepemut wonten ing surah Thaha:
124
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ
يَوْمَ الْقِيَامَةِ أَعْمَى
"lan sing sapa wonge ninggalake dzikir marang Ingsun
mula tumrap deweke urip kang sumpek, lan bakal Ingsung kumpulkake ana ing dina kiyamat kanti kahanan wuta...”
Maasyiral muslimin jamaah jumah rahimakumullah
Ayat punika paring ancaman tumrap sinten kemawon
ingkang nilaraken dzikir dumateng Allah:
Ancaman
ingkang sepisan:
Tiyang ingkang nilaraken dzikir dumateng Allah panggesanganipun
bade sumpek lan susah. Kagungan bandha katah, dahar ngunjuk sarwa mewah
ananging mboten kraos eca. Wira- wiri ngaggem kendaraan ingkang mewah ananging
ugi mboten kraos sekeca. Griyanipun sae kepara pinten- pinten panggenan
ananging mboten keraos ayem. Pakaryan mapan kepara kagungan pangkat jabatan
ananging mboten keraos mulya.
Ancaman
ingkang kaping kalih:
Tiyang ingkang nilaraken dzikir dumateng Allah bade
dipun kempalaken wonten ing dinten kiyamat kanti kahanan wuta. Miterat ahli tafsir maksudipun benjing
wonten dinten kiyamat tiyang kasebat mboten saget selak saking hisabipun Allah lan mboten wonten ingkang
saget paring syafaat utawi paring pitulungan. Ahli tafsir sanes ngendikaaken
maksudipun: mbenjang wonten dinten kiyamat tiyang kasebat mboten saget ningali
punapa- punapa, sagetipun namung ningali neraka.
Cekak aosipun: tiyang ingkang nilaraken dzikir
punika cilaka ing dunya lan akhirat.
Maasyiral muslimin jamaah jumah rahimakumullah
Mekaten khutbah singkat ingkang khatib aturaken
wonten siang punika. Mugi Allah tansah ndadosaken kula lan panjenengan tiyang-
tiyang ingkang tansah dzikir dhumateng Allah . amiin..
أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
Posting Komentar