Teks Khutbah Jumat Singkat Bahasa Jawa : WAJIBIPUN NDIDIK PUTRA

 

Teks Khutbah Jumat Singkat

Wajibipun Ndidik Putra

Ustadz  Wismanto

 

Khutbah Awal

إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ لَهُ, وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ, اللّهُمَّ صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ, يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

Jamaah jumah rahimakumullah

Sumangga tansah munjuk syukur dhumateng Allah Ta’ala ingkang tansah paring rahmat taufik sarta hidayah dhumateng kula lan panjenengan. Shalawat ugi salam mugi tansah katetepaken dhumateng nabi Muhammad SAW ingkang tansah kita tengga syafaatipun wonten ing dinten kiyamah.

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dhawuhipun lan nebihi awisanipun. Mugi kanti taqwa Allah tansah paring kamulyan fiddunya wal akhirah. Amiin.

 Jamaah jumah rahimakumullah

Salah setunggal nikmat ingkang Allah SWT paringaken dumateng kita sami inggih punika putra- putri. Putra- putri mujudaken nikmat ingkang agung, langkung agung tinimbang nikmat sanesipun. Mila kita sedaya kedah sami syukur awit kaparingan nikmat ingkang agung kasebat.  Islam paring dawuh bilih tanda syukur kita awit kaparingan nikmat putra injih punika kanti paring panggulawentah dumateng putra putri.

Allah SWT sampun paring dawuh wonten ing al- quran:

يٰٓاَيُّهَا الَّذِيْنَ اٰمَنُوْا قُوْٓا اَنْفُسَكُمْ وَاَهْلِيْكُمْ نَارًا وَّقُوْدُهَا النَّاسُ وَالْحِجَارَةُ عَلَيْهَا مَلٰۤىِٕكَةٌ غِلَاظٌ شِدَادٌ لَّا يَعْصُوْنَ اللّٰهَ مَآ اَمَرَهُمْ وَيَفْعَلُوْنَ مَا يُؤْمَرُوْنَ

Artosipun: “He para wong mukmin, sira padha ngreksaa awakira dhewe lan ahlinira saka geni neraka kang urub- urube manungsa lan watu. Kang dijaga dening para malaikat kang kereng lan buteng, ora tau padha nyulayani dawuhing Allah ananging padha ngestokake apa kang didawuhake”. (QS At Tahrim:6)

 Jamaah jumah rahimakumullah

Ngreksa badan lan kulawarga saking neraka tegesipun kanti paring panggulawentah ingkang leres dumateng garwa lan putra lajeng ngajak ngamalaken tuntunan ingkang leres kasebat. Mila punapa kemawon kewajiban tiyang sepah dhumateng putra putrinipun ing bab punika??

1.      Sepisan, Wajib paring kawruh tuntunan agami islam.

Kula lan panjenengan wajib paring kawruh agami islam dumateng kulawarga; garwa lan putra. Kula lan panjenengan wajib paring pangertosan babagan perkawis iman, iman dumateng Allah, iman dumateng malaikat, iman dumateng kitab- kitab, iman dumateng para nabi lan rasul, iman dumateng dinten kiyamat lan iman dumateng takdir. Mekaten ugi wajib paring pangertosan bab pokok- pokok ajaran islam kadosdene rukun islam lan bab ibadah wajib.

2.      Kaping kalih, wajib ngajak garwa lan putra njagi ibadah shalat.

Saklajengipun kula lan panjenengan kedah ngajak sedaya anggota keluarga njagi ibadah shalat. Kula lan panjenengan kedah ndawuhi putra putri nindakaken shalat menawi sampun umur 7 tahun.

Nabi Muhammad SAW sampun dawuh:

مُرُوا أَوْلاَدَكُمْ بِالصَّلاَةِ وَهُمْ أَبْنَاءُ سَبْعِ سِنِينَ

Artosipun: “Sira dawuha marang anak- anakira supaya padha nindhakake shalat nalikane umur 7 tahun . . . ”. (HR. Abu Dawud)

3.   Wajib paring kawruh marang nabinipun.

Kalebet kewajiban ugi, kula lan panjenengan kedah nepangaken utusanipun Allah inggih punika kanjeng nabi Muhammad dumateng putra- putra. Putra putri kedah mangertosi sinten nabinipun lan jejibahan punapa kemawon ingkang kedah dipun tindhakaken  dumateng nabinipun. Supados ing akhiripun putra putra saget nuladhani lan nresnani kanjeng nabi Muhammad SAW.

4.   Wajib paring tuntunan adab lan akhlaq

Kewajiban ndidik kulawarga saklajengipun inggih punika paring piwucal adab lan akhlaq ingkang utama. Putra putri kedah dipun kulintenaken adab lan sopan santun nalika srawung ing Masyarakat. Mboten pareng tumindak awon lan nerak paugeran wonten ing masyarakat.

Jamaah jumah rahimakumullah

Punika seperangan jejibahan kula lan panjenengan selaku tiyang sepuh dumateng kulawarga khususipun putra- putri. Mugi Allah SWT tansah paring pitedah dhumateng kula lan panjenengan satemah saget ngayahi jejibahan ingkang minulya punika.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

  Untuk membaca atau mencetak file khutbah jumat   singkat berbahasa Jawa ini dalam bentuk PDF silahkan download melalui tautan berikut ini :

DOWNLOAD