Teks Khutbah Jumat Singkat
3 Amal
Ingkang
Dipun Tresnani
Allah SWT
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ, وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
Jamaah jumah rahimakumullah
Sumangga tansah munjuk
syukur dhumateng Allah Ta’ala ingkang tansah paring rahmat
taufik sarta hidayah dhumateng kula lan panjenengan. Shalawat ugi salam mugi
tansah katetepaken dhumateng nabi Muhammad SAW ingkang tansah kita tengga syafaatipun wonten ing
dinten kiyamah.
Jamaah jumah rahimakumullah
Wonten kesempatan khutbah siang punika khatib wasiat
sumangga tansah ningkataken taqwa dhumateng Allah kanti
nindakaken dhawuhipun lan nebihi awisanipun. Mugi kanti taqwa Allah
tansah paring kamulyan fiddunya wal akhirah. Amiin.
Jamaah jumah rahimakumullah
Semangat
nindhakaken amal kabecikan kedahipun dados ciri kula lan panjenengan sealku tiyang
muslim. Saking sedaya amal- amal kabecikan ingkang dipun tresnani Allah wonten
3 ingkang kalebet amalan special. 3 amalan kasebat dipun jelasaken setunggal
sahabat agung inggih punika Abdullah bin Mas’ud. Setunggal wekdal Abdullah bin
Mas’ud nyuwun pirsa dhumateng kanjeng nabi:
أَيُّ الْعَمَلِ أَحَبُّ إلَى
اللَّهِ ؟ قَالَ الصَّلاةُ عَلَى
وَقْتِهَا . قُلْتُ : ثُمَّ أَيُّ ؟ قَالَ
بِرُّ الْوَالِدَيْنِ , قُلْتُ : ثُمَّ أَيُّ ؟ قَالَ : الْجِهَادُ فِي
سَبِيلِ اللَّهِ
“Wahai
Nabi, amal punapa ingkang dipun tresnani Allah? Nabi Ngendika: Shalat tepat
waktu, kula nyuwun pirsa malih: lajeng punapa wahai nabi? Nabi Ngendika: Bekti
marang won tua, kula nyuwun pirsa malih lajeng punapa malih kanjeng nabi? Nabi
ngendika: Jihad ing dalane Allah”. (HR.Buhari lan Muslim).
1.
Shalat tepat waktu
Saksanesipun
dalil- dalil wonten ing hadits, dawuh shalat ugi dipun ngendikaaken Allah
langsung ing ayat- ayat al- quran. Punika bukti bilih shalat punika ibadah
agung tumrap kula lan panjenengan tiyang muslim. Ing hadits sanes kanjeng nabi
paring keterangan bilih shalat punika ibadah ingkang paling sepisanan dipun
tangletaken ing dinten kiyamat, menawi shalat punika sae mila dados jalaran
saenipun sedaya amal ibadah. Ngendika Rasulullah:
أَوَّلُ مَا يُـحَاسَبُ بِهِ
الْعَبْدُ يَوْمَ الْقِيَامَةِ الصَّلَاةُ ، فَإِنْ صَلَحَتْ صَلَحَ لَهُ سَائِرُ
عَمَلِهِ ، وَإِنْ فَسَدَتْ فَسَدَ سَائِرُ عَمَلِهِ
“Perkara
sepisanan kang ditakonke ing dina kiyamat yaiku shalat, menawa shalate becik
mula becik kabeh amal liyane, lan menawa shalate ala menawa dadi ala kabeh amal
liyane. (HR. At- Thabrani).
2.
Bekti marang won
tua
Amal
kaping kalih ingkang dipun tresnani Allah inggih punika bekti dhumateng tiyang
sepuh. Katah sanget ayat lan hadits ingkang nyebataken kautaman perkawis bekti
dhateng tiyang sepuh punika. Bekti dhateng tiyang sepuh saget dipun lampahi
kanthi ngladosi kabethanipun sahingga tiyang sepuh remen penggalihipun. Bekti
dhateng tiyang sepuh ugi saget dipun lampahi kanthi ndongaaken, nyambet
silaturahmi dhateng kerabatipun tiyang sepah lan sanesipun. Nabi ngendika:
إنَّ
مِنْ أبَرِّ البِرِّ أنْ يَصِلَ الرَّجُلُ أهْلَ وُدِّ أَبِيْهِ
“Satemene
kalebu bekti marang wong tua iku nyambung silaturahmi marang kerabat utawa
mitra patepangane bapak ibu” (HR.Muslim).
3.
Jihad ing dalane
Allah.
Miterat
Syaikh Yusuf Al- Qardhawi wonten ing kitab
Fiqh al-Jihad; jihad punika ageng sanget kautamanipun ing islam. Kahthi
jihad islam saget kajagi saking sedaya mengsah ingkang badhe ngrisak tatanan
agami punika.
Wonten
hadits sanes ingkang dipun riwayataken sahabat Abu Sa’id Al- Khudry
piyambakipun nyuwun pirsa kanjeng nabi; Wahai Nabi sinten manungsa ingkang
paling utama punika? Ngendika kanjeng nabi: wong kang jihad ana ing dalane
Allah kanthi jiwa raga lan bandhane (HR. Buhari, Muslim, Ahmad, Tirmidzi, Nasai
lan Ibnu Majjah).
Jamaah jumah rahimakumullah
Kanthi punika sumangga kula lan panjenengan tansah
nindhakaken sedaya amal ibadah ingkang dipun tresnani Allah SWT, Mugi Allah SWT
tansah paring berkah lan kamulyan ing panggesangan kula lan panjenengan. Amiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ
عَلَى أَشْرَافِ الأَنْبِيَاءِ
وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
يَا أَيُّهَا الَّذِينَ
آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
إِنَّ
اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا
صَلُّوا عَلَيْهِ وَسَلِّمُوا تَسْلِيمًا
اَللَّهُمَّ
صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ
وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ
اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ
مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ
أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Posting Komentar