Teks Khutbah Jumat Singkat Bahasa Jawa : RAMADHAN, NGGAYUH RAHMAT LAN SURGA

 

Teks Khutbah Jumat Singkat

Ramadhan,

Nggayuh Rahmat Lan Surga

Ustadz Wismanto,S.Pd.I

Khutbah Awal

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

فَيَا أَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ فَقَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Puji syukur mugi tansah kunjuk dhumateng Allah Ta’ala ingkang tansah paring rahmat, taufiq sarta hidayah dhumateng kula lan panjenengan satemah ing siang punika kula lan panjenengan saget pinanggih wonten majelis ingkang minulya kanthi kebak kawilujengan.

Shalawat ugi salam mugi tansah katetepaken dhumateng nabi agung Muhammad SAW ingkang tansah kula lan panjenengan tengga syafaatipun wonten ing dinten akhir. Amin.

Jamaah jumah rahimakumullah

Wonten mimbar khutbah siang punika khatib wasiat sumangga tansah ningkataken taqwa dhumateng Allah kanti nindakaken dhawuhipun lan nebihi sedaya awisanipun. Mugi kanti taqwa Allah SWT tansah paring kamulyan panggesangan wiwit ing donya ngantos dumugi akhirat. Aamiin.

Jamaah jumah rahimakumullah

Salah setunggal nikmat agung ingkang kaparingaken dhumateng kula lan panjenegan inggih punika dipun kepanggihaken kaliyan wulan Ramadhan. Wulan ingkang kebak rahmat, maghfirah lan jaminan surga, ngendika Allah SWT:

وَلِتُكْمِلُوا۟ ٱلْعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمْ وَلَعَلَّكُمْ تَشْكُرُونَ

“Lan supaya sira pada nyampurnakake wilangan sasine, lan padha ngegungna Allah dene anggone wus paring pituduh marang sira kabeh, lan supaya sira kabeh padha syukur…” (Al- Baqarah:185).

Ayat punika pinangka keterangan bilih wulan Ramadhan punika nikmat agung ingkang Allah paringaken dhumateng kula lan panjenegan. Awit rahmatipun Allah SWT kula lan panjenegan kapilih dados tiyang- tiyang ingkang saget pinanggih Ramadhan kanthi kahanan sehat lahir lan bathin.

Jamaah jumah rahimakumullah

Saksanesipun wulan ingkang kebak rahmat, ing Ramadhan punika Allah nyawisaken surga dhumateng sinten kemawon ingkang kersa mlebet ing surga. Ngendika rasulullah SAW:

إِذَا جَاءَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ النَّارِ وَصُفِّدَتِ الشَّيَاطِينُ

”Menawa wus teka wulan ramadhan, mula lawang- lawange surga dibuka, lawang- lawange neraka ditutup lan para syaithan dibelenggu”. (HR. Bukhari lan Muslim)

Lawang- lawang surga dipun bikak tegesipun Allah ndaftari sinten- sinten ingkang bade dipunlebetaken ing surga. Mila sinten ingkang ngginakaken wulan ramadhan kagem ngibadah mesthi dipun daftar dados ahli surga. Lawang- lawang neraka dipuntutup artosipun Allah mbebasaken tiyang- tiyang saking daftar calon penghuni neraka. Para syaitan dipun belenggu supados kaum muslimin saget gampil nindakaken pangibadahan lan mboten wonten ingkang ngeridu utawi ngalang- alangi. Ngendika Rasulullah ing hadits sanes:

إِنَّ لِلّهِ فِى كُلِّ يَوْمٍ عِتْقَاءَ مِنَ النَّارِ فِى شَهْرِ رَمَضَانَ ,

”Saktemene Allah membebasake wong- wong seka neraka saben dina ana ing ing wulan ramadhan”

Jamaah jumah rahimakumullah

Mila sampun samestinipun kula lan panjenegan semangat nggayuh sedaya kautaman ingkang Allah cawisaken wonten ing wulan Ramadhan punika. Kadospundi menggah saget kasembadanipu gegayuhan ingkang minulya punika?

1)     Kagungan niat ingkang kiat.

Salah setunggal perkawis ingkang saget dados sarana ginayuhipun rahmat lan surga wonten wulan Ramadhan punika kanthi ngiyataken niat. Kula lan panjenegan kedah kagungan greget lan semangat nindhakaken sedaya amal ibadah wonten wulan punika, sae shiyamipun, shalat tarawihipun, tadarusipun, sedekahipun lan sanes- sanesipun. Menawi kula lan panjenegan sampun kagungan niat ingkang estu insyallah kautaman- kautaman ingkang agung wonten ing wulan Ramadhan punika saget ginayuh. Ngendika Rasulullah:

إِنَّ اللهَ كَتَبَ الحَسَنَاتِ وَالسَّيئَاتِ، ثُمَّ بَيَّنَ ذَلِكَ: فَمَنْ هَمَّ بِحَسَنَةٍ فَلَمْ يَعْمَلْهَا كَتَبَهَا اللهُ عِنْدَهُ حَسَنَةً كَامِلَةً، وَإِنْ هَمَّ بِهَا فَعَمِلَهَا كَتَبَهَا اللهُ عِنْدَهُ عَشْرَ حَسَنَاتٍ إِلَى سَبْعِمِائَةِ ضِعْفٍ إِلَى أَضْعَافٍ كَثِيْرَةٍ

 

“Satemene Allah nulis kabecikan lan tumindhak ala banjur paring keterangan: sing sapa wonge niat tumindhak becik anaging durung bisa ngelakoni mula ditulis ganjaran kabecikan kanthi sampurna, Lan menawa niat tumindhak kabecikan banjur dilakoni mula Allah nikelke ganjarane sepuluh derajat kabecikan nganti pitungatus derajat lan nganti pirang- pirang derajat..” (HR. Buhari lan Muslim).

2)     Ndedonga nyuwun pitulunganipun Allah SWT.

Sarana saklajengipun supados saget ginayuh sedaya kautaman ing wulan Ramadhan tentu kemawon kanthi Ndonga nyuwun gampil dhumateng Allah SWT.

Ngendika Allah SWT:

وَقَالَ رَبُّكُمُ ادْعُونِي أَسْتَجِبْ لَكُمْ ۚ

“Lan Pangeranira dhawuh: Ndongaa sira marang Ingsung, yekti Ingsun kabulake marang sira…” (QS.Ghafir:60)

Jamaah jumah rahimakumullah

Estu ramadhan punika wulan ingkang kebak kautaman, mugi kula lan panjenegan tansah pinaringan gampil satemah saget nggayuh rahmat lan surga wonten ing wulan suci punika. Amiin.

 

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

 

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat   singkat berbahasa Jawa ini dalam bentuk PDF silahkan download melalui tautan berikut ini :

DOWNLOAD