Teks Khutbah Jumat Singkat Bahasa Jawa: ZAKAT

 

Teks Khutbah Jumat Singkat

Zakat Fitrah

Ustadz Wismanto,S.Pd.I

 

Khutbah Awal

الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ

أَشْهَدُ أَنْ لاَ إِلَهَ إِلاَّاللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّداً عَبْدُهُ وَرَسُوْلُهُ

اَللَّهُمّ صَلِّ وَسَلِّمْ عَلى مُحَمّدٍ وَعَلى آلِهِ وأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

فَيَا أَيُّهَا الْحَاضِرُوْنَ. اِتَّقُوا اللهَ حَقَّ تُقَاتِهِ فَقَالَ اللهُ تَعَالَى

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

 

Jamaah jumah rahimakumullah

Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa panggesangan kita tansah pikantuk kamulyan fiddunya wal akhirah. Aamiin.

 Jamaah jumah rahimakumullah

Mboten kraos, wulan suci ramadhan ing tahun punika sekedap malih bade paripurna. Wulan ingkang endah, wulan ingkang agung ingkang kebak kesaenan lan kautaman bade nilaraken kula lan panjenengan. Mila sinten kemawon ingkang sampun nindakaken sedaya rerangken pangibadahan wonten ing wulan suci ramadhan tahun punika kedahipun bersyukur lan memuji dumateng Allah, lan sinten kemawon ingkang dereng saget nindakaken kesaenan- kesaenan kedah mertobat lan nyuwun ampunan dumateng Allah Ta’ala.

Jamaah jumah rahimakumullah

Wonten ing akhir wulan suci ramadhan Allah Ta’ala paring kewajiban dhumateng kaum mulimin supados ngedalaken zakat fitrah. Zakat fitrah mujudaken kewajiban dhumateng sedaya kaum muslimin ingkang kagungan kelonggaran bahan makanan pokok. Allah paring pangandikan wonten ing al- quran:

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا … (التوبة: ١٠٣)

“Anjupuka saka seperangan bandhane wong- wong iku kanggo zakat, supaya angresiki lan nyucekake ing deweke.... (Q.S. At-Taubah : 103)

Rasulullah SAW paring pangandikan bilih zakat punika kalebet rukun islam ingkang wajib dipun tindakaken tumrap sedoyo kaum muslimin ingkang mampu. Ibnu Umar RA sampun ngendika bilih baginda Rasulullah paring pangandikan:

عَنِ ابْنِ عُمَرَ رَضِيَ اللهُ عَنْهُمَا قَالَ : قَالَ رَسُولُ الله ﷺ: بُنِيَ الإِسْلَامُ عَلَى خَمْسٍ : شَهَادَةِ أَنْ لا إِلَهَ إِلَّا اللهُ وَأَنَّ مُحَمَّدًا رَسُولُ اللهِ ، وَإِقَامِ الصَّلَاةِ ، وَإِيتَاءِ الزَّكَاةِ ، وَالْحَجِّ ، وَصَوْمِ رَمَضَانَ

“Saking Ibnu Umar RA sampun ngendika, Rasulullah Paring Pangandikan: Agama Islam dibangun saka limang perkara, yaiku nyekseni sejatine ora ana Pangeran kang haq kejaba Allah lan Muhammad iku kawula lan utusane Allah, ngadegna shalat, mbayar zakat, haji nang Baitullah lan pasa Ramadhan”. (HR. Bukhari Muslim)

Jamaah jumah rahimakumullah

Zakat fitrah mujudkaken ibadah agung ingkang katah hikmah lan tujuanipun. Dipun riwayataken Ibnu Abbas radhiyallahu piyambakipun ngendika:

عَنِ ابْنِ عَبَّاسٍ قَالَ فَرَضَ رَسُوْلُ للهِ زَكَاةَ الْفِطْرِطُهْرَةً لِلْصَائِمِ مِنَ لَّلغْوِ وَالرَّفَثِ وَ طُعْمَةً لِلْمِسْكِيْنِ مَنْ أَدَّاهَا قَبْلَ الصَّلاَةِ فَهِيَ زَكَاةٌ مَقْبُوْلَةٌ مَنْ أَدَّاهَا بَعْدَالصَّلَاةِ فَهِيَ الصَّدَقَةٌ مِنَ الصَّدَقَاتِ

“Rasulullah shallallahu ‘alaihi wassallam wus paring kewajiabn zakat fitrah pinangka reresik tumrap wong pasa saka perkara kang ora migunani lan tindhak ala, lan uga pinangka peparing tumrap wong- wong miskin, sing sapa anggone zakat sakdurunge salat ied mula temen iku dadi zakat kang sampurna, lan sing sapa anggone zakat sakpungkure salat ied mula iku dianggep shadaqah kayadene sahadaqah- sadaqah liyane”. (HR. Abu Daud dan Ibnu Majah)

Hadits punika suka keterangan bilih zakat fitrah kagungan 2 (kalih) tujuan:

Sepisan ; pinangka panyampurna shiyam saking perkawis ingkang ngregeti lan ngrisaki ganjaran shiyam kadosdene wicantenan saru lan kasar.

Kaping kalih; pinangka jurung pambiyantu tumrap sanak sederek ingkang kirang mampu. satemah benjang wonten ing dinten idul fitri sedaya saget nderek ngraosaken remen, bungah lan bahagia. Rasulullah ngendika wonten setunggal hadits ingkang maknanipun: "cukupana kebutuhane (fakir miskin), supaya wong- wong iku ora pada njejaluk ana ing dina riyaya (idul fitri)." (Sunan Daruqutni, No. 67)

Jamaah jumah rahimakumullah

Mekaten khutbah ingkang khatib aturaken, mugi Allah tansah pari kekiatan iman satemah kula lan panjenengan saget nindhakaken sedaya rerangken ibadah ing wulan Ramadhan punika. Amiin.

أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ

Khutbah Kaping Kalih

الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ

وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ

يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ

إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

اَللَّهُمَّ صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ وَأَزْوَاجِهِ وَذُرِّيَّاتِهِ أَجْمَعِيْنَ

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

اللَّهُمَّ أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ

اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

Untuk membaca atau mencetak file khutbah jumat   singkat berbahasa Jawa ini dalam bentuk PDF silahkan download melalui tautan berikut ini :

DOWNLOAD