Teks Khutbah Jumat
Singkat Bahasa Jawa
Nggayuh Taqwa Kanthi Ibadah Qurban
Ust. Sadmonodadi
اَلسَّـــلاَمُ عَلَيْكُمْ
وَرَحْمَةُاللهِ وَبَرَكَاتُهُ.
ا لْحَمْدُ ِللهِ
حَقَّ حَمْدِهِ وَنَشْكُرُهُ حَقَّ شُكْرِهِ. أَشْــهَدُ أَنْ لاَ اِلهَ اِلاَّاللهُ
وَحْدَهُ لاَشَرِ يْكَ لَهُ, وَاَشْــهَدُ أَنَّ مُحَمَّدًاعَبْدُهُ وَرَسُوْلُهُ
الْهَادِىْ بِهِدَايَةِ اللهِ إِلَى صِرَاطِ اللهِ رَبِّهِ. اَللّهُمَّ صَلِّ
وَسَــلِّمْ عَلَى مُحَمَّدٍوَّعَلَى الِهِ وَصَحْبِهِ أَجْمَعِيْنَ. أَمَّابَعْدُ,
فَيَا عِبَادَ
ا
يَااَيُّهَـاالنَّاسُ ! اُوْصِيْكُمْ وَنَفْسِى بِتَقْوَى اللهِ لَعَلَّكُمْ
تُرْحَمُوْنَ.
قَالَ
تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ
وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
Jama’ah
Jum’at rahimakumullah!
Sedaya pangalembana konjuk dhumateng Allah. Dhumateng
Allah kita nyuwun pitulungan, maghfirah lan pitedah. Shalawat saha salam mugi tansah
kaparingna dhumateng Rasulullah shallalaahu 'alaihi wassalam, dhumateng
keluarganipun, dhumateng para shahabat lan sumrambahipun dhumateng kita sami.
Murwakani khutbah punika, khatib caos wasiat dhumateng jamaah sedaya muriha kita sami taqwa dhumateng Allah Subhanahu wa Ta’ala. Estu nggayuh taqwa punika perkawis penting ing dalem agami. Taqwallah punika mujudaken margi tumuju kamulyaning manungsa. Sok sintena tiyang maesi gesangipun kanthi taqwa mangka saestu piyambakipun badhe dados sasae-saenipun makhluq. Kosok wangsulipun sinten kemawon nilaraken taqwa mring Allah badhe ina gesang donya lan akheratipun. Saestu taqwa mujudaken kalenggahan paling mulya. Inna akramakum ‘indallahi atqaakum .... (temen kang paring mulya ing ngarsane Allah yaiku kang paling taqwa ing antarane sira); makaten pangandikanipun Allah ing ayat 13 saking surah Al-Hujurat.
Kaum muslimin
rahimakumullah!
Miterat para ulama, taqwa nggadhahi
pangertosan fil'lul awamiri wa tarkun nawahi. Tegesipun
kalenggahan taqwa punika saged kagayuh kanthi nindaaken kathah-kathahipun
kesaenan lan nebihi sedaya perkawis ingkang dipun awisi Allah subhanahu wa
ta'ala. Ingkang makaten jumbuh kaliyan pangandikanipun Abu Darda “الإيمان يزيد
وينقص (Al
iimanu yaziidu wa yanqush), iman itu bisa tambah lan bisa kurang. Iman punika tambah ngrembaka kanthi nindaaken
lampah thaat (yaziidu bith-thaat) lan badhe suda imanipun setunggal muslim nalika nindaaken
maksiat (yanqushu bil ma'siyat) .
Nyocogi kaliyan keterangan ngajeng, Al-Qur’an paring
keterangan bilih wontenipun mawarni-warni ibadah dhumateng Allah ta’ala
ing dalem Islam punika perlunipun kangge nyithak manungsa taqwa. Sedaya ibadah kasyareataken
murih para mukmin sami tambah taqwanipun. Ngendika Allah ing surah al-Baqarah
ayat 21:
يَا
أَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ
مِنْ قَبْلِكُمْ لَعَلَّكُمْ تَتَّقُونَ
“ He para manungsa, pada ngibadaha sira
kabeh marang Rabb-ira kang wus nyipta sira kabeh lan wong-wong sadurungira
supaya sira kabeh padha taqwa”.
Makaten ugi ibadah qurban. Estunipun ibadah
qurban punika mujudaken setunggal saking margi-margi tumuju taqwa. Kanthi
nindaaken ibadah qurban dipun ajab setunggal
mukmin badhe tambah taqwanipun.
Kaum muslimun
rahimakumullah!
Ananging mboten saben-saben inkang nindaaken
qurban badhe nambahi taqwanipun. Kathah para ahli qurban ingkang mboten saged
methik kesaenan saking ibadahah qurbanipun. Utawi sinaosa pikantuk kesaenan lan
ganjaran mboten trep kaliyan anggenipun rekaos-rekaos nindaaken ibadah qurban.
Lajeng kados pundi setunggal mukmin saged
nggayuh taqwa saking ibadah qurbanipun? Murih saged ningkataken drajad
taqwanipun, setunggal mukmin kedah ikhtiar saestu nindaaken perkawis-perkawis
ingkang dados syarat, rukun lan kasampurnanipun ibadah qurban. Ikhtiar wau ing
antawispun :
Sepisan,
nindaaken qurban kanthi ikhlas.
Ikhlas punika syarat dipun tampinipun amal.
Allah anamung badhe nampi ibadah-ibadah ingkang dipun tindaaken mligi anamung
ngudi ridhanipun Allah subhanahu wa ta'ala. Ngendikanipun Rasulullah shallallahu 'alaihi
wassalam :
Innamal a'malu
binniyat wa innama likullimriin ma nawa ... saben-saben amal
iku ana niyyate, lan saben-saben perkara iku diaji saka niate.
Ngengini ibadah qurban, ing dalem surah al-Kautsar ayat 2 wonten
keterangan ibadah qurban punika kedah katindaaken anamung kangge ngudi
ridhanipun Allah subhanahu wa ta'ala :
فَصَلِّ لِرَبِّكَ وَانْحَرْ
“Mangka padha nindakkna sholat tumuju marang rabbmu; lan padha
mbeleha qurban”.
Allah ugi ngendika ing surah al-An,am ayat 162
:
قُلْ إِنَّ صَلَاتِي
وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
“Kandhakna (he
Muhammad) : satemene shalatku, nusuk-ku, uripku lan matiku among kanggo Allah,
Rabb sakabehing alam".
Ibnu Abas ngendika bilih ingkang dipun maksud nusuk inggih punika khewan ingkang dipun pragad.
Jama'ah
Jum'at rahimakumullah!
Kaping kalih,
anggenipun nindaaken ibadah midherek kaliyan sunnah Rasulullah shallallahu
'alaihi wassalam.
Mragad
qurban punika mujudaken perkawis ibadah, pramila kedah netepi kaliyan dhawuh
agami. Mboten dipun tampi setunggal amal menawi amal wau nyulani kaliyan menapa
ingkang dipun dhawuhaken Rasulullah shallallahu 'alaihi wassalam. Nabi Shallallahu’alaihi Wasallam ngendika,
مَنْ
عَمِلَ عَمَلاً لَيْسَ عَلَيْهِ أَمْرُنَا فَهُوَ رَدٌّ
“Sapa wae nindaake
saiji amal kang ora ana tuntunanku saka aku ing perkara iku mangka diemohi (ora
ditrima dening Allah)".(H.R. Imam Bukhari lan Imam Muslim)
Ngengingi ibadah qurban, wonten bab-bab ingkang
kedah dipun tetepi. Bab-bab punika ing antawisipun ngengingi jinis khewan
qurbanipun, ukuran khewan qurbanipun, wekdal mragadipun, ugi tata cara mragad
lan angganipun manfaataken daging qurbanipun. Sedaya dhawuh agami ing dalem
ibadah qurban punika kedah dipun ikhtiari kanthi saestu murih dipun tampi dening
Allah subhaanahu wa ta'ala. Murih saged ndumugeaken kesaenan lan ganjaran ingkang
kathah.
Kaping tiga, nindaaken ibadah kanthi kebak penghayatan.
Ibadah qurban mboten ndumugeaken tambahing
taqwa manawi anamung kalampahan
arupi obahing badan kemawon tanpa
penghayatan, tanpa tadabur. Ibadah qurban mboten badhe nyebabaken tambahing
dewasa rohani setunggal mukmin menawi kalampahan secara badani kemawon : tumbas
lembu utawi mendha, dipun pasrahaken panitia lan salajengipun ical saking penggalihan
lang pangangen-angen.
Prayogi sanget menggahing ahli qurban, sami
ngantheni obahing badan punika kanthi manahipun, nuntun manah nyarengi obahing
badan. Wiwit saking milih khewan qurban ingkang paling bagus, nyerahakan
dhumateng panitia kanthi kebak raos ikhlas, mragad piyambak utawi nyekseni nalika qurban dipun pragad, ugi sareng-sareng
panitia ngedum-dumaken daging qurban. Kanthi makaten Insya Allah para ahli
qurban pikantuk pengalaman rohani lan saya kathah piwucal ingkang saged
ndumugeaken tambahing taqwa ing manah.
Saestu kathah ibrah-ibrah lan
hikmah-hikmah ing dalem ibadah
qurban ingkang saged ngencengaken iman
lan ningkataken taqwa. Ing antawisipun hikmah wau inggih punika tambahipun ikhlas ing dalem ibadah, tambahing thaat ing dalem ngumawula dhumateng
Allah, lan tambah kencenging
pasedherekan dumateng sesami. Sedaya hikmah punika badhe nggampilaken
ahli qurban nggayuh derajad taqwa.
Sidang
Jum'at rahimakumullah
Nutup khutbah siang punika keparenga khatib
ngaturaken ajakan ; mangga kita tindaaken ibadah qurban kanthi kebak raos
ikhlas, netepi sunnah-sunnahipun lan ugi ngantheni ibadah qurban punika kanthi
manah lan penggalihan. Insya Allah kanthi makaten ibadah qurban kita tahun
punika badhe dados ibadah ingkang produktif, ibadah ingkang samsaya ningkataken
taqwa lan kualitas rohani kita sami.
Sampun ngantos ibadah ingkang kita tindaaken
kanthi rekaos lan mbetahaken bandha ingkang mboten sekedhik punika dados ibadah
ingkang lagha ibadah ingkang mboten wonten ganjaranipun sekedhik-kedhika lan
mboten nambah taqwa kita sami.
أَقُوْلُ قَوْلِيْ هَذَا وَأَسْتَغْفِرُ اللهَ لِيْ
وَلَكُمْ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ، وَادْعُوْهُ
يَسْتَجِبْ
Khutbah 2
لْحَمْدُ
للهِ حَمْدًا كَثِيْرًا كَمَا أَمَرَ. أَشْـهَدُ أَنْ لاَ اِلهَ اِلاَّاللهُ
وَحْدَهُ لاَ شَرِيْكَ لَهُ وَاَشْـهَدُ
أَنَّ مُحَمَّدًا عَبْدُهُ وَرَسُوْلُهُ لاَنَبِيَّ بَعْدَهُ. اَللّهُمَّ صَلِّ
وَسَلِّمْ وَبَارِكْ عَلَى خَاتَمِ اْلأَ نْبِيَاءِ وَالْمُرْسَلِيْنَ وَعَلَى آلِهِ
وَأَصْحَابِهِ وَسَلَّمَ تَسْلِيْمًا كَثِيْرًا. قَالَ تَعَالَى: يَا أَيُّهاَ
الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ
وَأَنتُمْ مُّسْلِمُوْنَ. إِنَّ اللهَ وَمَلاَئِكَتَهُ يُصَلُّوْنَ عَلَى
النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا
تَسْلِيْمًا. اَللَّهُمَّ صَلِّ
عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ
وَعَلَى آلِ إِبْرَاهِيْمَ. وَبَارِكْ عَلَى مُحَمَّدٍ وَعَلَى آلِ مُحَمَّدٍ
كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ
مَجِيْدٌ.
اَللَّهُمَّ
اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ
اْلأَحْيَاءِ مِنْهُمْ وَاْلأَمْوَاتِ، إِنَّكَ سَمِيْعٌ قَرِيْبٌ مُجِيْبُ
الدَّعَوَاتِ.
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا
قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
اَللَّهُمَّ أَرِنَا الْحَقَّ حَقًّا وَارْزُقْنَا اتِّبَاعَهُ، وَأَرِنَا الْبَاطِلَ باَطِلاً وَارْزُقْنَا اجْتِنَابَهُ. رَبَّنَا لاَ تُزِغْ قُلُوْبَنَا بَعْدَ إِذْ هَدَيْتَنَا وَهَبْ لَنَا مِن لَّدُنْكَ رَحْمَةً إِنَّكَ أَنتَ الْوَهَّابُ.
رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ.
وَالْحَمْدُ لِلَّهِ رَبِّ الْعَالَمِيْنَ
إرسال تعليق