Teks Khutbah Jumat Singkat Bahasa
Jawa
3 Titikan Ibadah Dipun Tampi
Ustad
Sadmonodadi
السَّلاَمُ
عَلَيْكُمْ وَرَحْمَةُ اللهِ وَبَرَكَاتُهُ
إِنَّ
الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوذُ
بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ
اللهُ فَلاَ مُضِلَّ لَهُ وَمَنْ يُضْلِلْه ُ فَلاَ هَادِيَ لَهُ. أَشْهَدُ أَنْ
لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ.
اَللَّهُمَّ
صَلِّ عَلَى سيدنا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ
بِإِحْسَانٍ إِلَى يَوْمِ الدِّيْنِ. اما بعـد ... قال الله تعالى:
اَعُوْذُ بِاللهِ مِنَ الشَّيْطَانِ الرَّجِيْمِ. يَا أَيُّهاَ الَّذِيْنَ
ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ
مُّسْلِمُوْنَ.
Ma’asyiral muslimin rahimakumullah
Mangga kita ningkataken taqwa dhumateng Allah subhanahu
wa ta'ala. Saestunipun ruhipun taqwa punika mapan ing syukur dhumateng
Allah awit saking nimat-nikmat-Ipun lan sabar saha ridha dhumateng takdir-Ipun
ingkang mboten ngremenaken. Kawilujengan saha karaharjan mugi tansah
kaparingana dhumateng Rasulullah shallallahu
'alaihi wassalam, dhumateng keluarganipun, dhumateng para sahabat lan
mugi-mugi lumeber dhumateng kita sami.
Ma’asyiral muslimin rahimakumullah!
Kita ugi ngaturaken
syukur dhumateng Allah subhanahu wa ta'ala, awit kita sampun
dipun gampilaken nindaaken mapinten-pinten ibadah ing awal Dzulhijjah,
dinten-dinten ingkang dipun mulyaaken dening Allah. Kita sampun nindaaken amal
shalih kadosta : dzikir kanthi ngathah-athahken tasbih, tahmid,
tahlil saha takbir, nindaaken shiyam Arafah, nindaaken
sholat Idul Adha lan ugi mbeleh khewan qurban. Temtu kita sami nggadhahi
gegayuhan sedaya amal-amal punika dipun tampi lan sedaya donga kinabulan. Sak
sampunipun kita ikhtiar nindaaken ibadah kanthi saestu, hasilipun kita pasrahakan
dhumateng Allah. Panci hakipun makhluk
punika anamung dumugi ikhtiar, wondene salajengipun Allah subhanahu wa ta'ala ingkang nemtoaken.
Wonten pitedah agami ingkang saged dados tandha dipun
tampinipun amal shalih. Ing antawisipun tandha wau inggih punika :
Sepisan, mboten
ngegulaken (bangga) amalipun.
Ngegulaken
amal mujudaken tabiat ingkang saged
ngrisak ikhlas. Kamangka ikhlas punika syarat dipun tampinipun amal. Ikhlas setunggal tiyang ing dalem
nindaaken kesaenan saged cicir amargi tiyang wau ngegul-egulaken amalipun.
Tiyang wau rumaos sampun nindaaken amal ingkang ageng. Anggenipun ngegulaken
amal wau saged ketingal saking anggenipun sum'ah (nyariosaken amal) lan
anggenipun riya' (ngetingalaken amal) ingkang tundhonipun mameraken amal
shalih.
Mboten
anamung ngawisi ngegul-gulaken amal, agami ndhawuhi muslim kapurih andhap asor.
Ingkang dipun dhawuhaken agami sak sampunipun nindaaken amal shalih inggih
punika nganggep bilih amalipun punika mboten aji dipun bandhingaken kaliyan
nikmat peparingipun Allah. Amalipun taksih kathah kirangipun sinaosa sampun
dipun ikhtiari kanthi sak sae-saenipun. Pramila agami nuntun mukmin supados
sami istighfar sak sampunipun nindaaken amal shalih. Nyuwun pangapunten
dhumateng Allah SWT murih Allah kersa
nyekapaken sedaya kekirangan wau.
Kaum
muslimin rahimakumullah!
Istighfar punika kadhawuhaken dados penutup sedaya amal
shalih. Allah subhanu wa
ta'ala paring dhawuh dhumateng para hujjaj
murih sami istighfar saksampunipun rampit anggenipun nindaaken ibadah
haji. Ngendika Allah SWT ing surah al-Baqarah ayat 199 :
ثُمَّ
أَفِيضُوا مِنْ حَيْثُ أَفَاضَ النَّاسُ وَاسْتَغْفِرُوا اللَّهَ ۚ إِنَّ اللَّهَ
غَفُورٌ رَحِيمٌ
"Sabanjure padha ninggalna sira
kabeh saka papan wong akeh pada ninggalale (yaiku saka 'Arafah) lan padha
nyuwuna pangapura marang Allah; satemene Allah Maha Paring Pangapura lan Maha
Asih".
Makaten ugi syariat
ndhawuhaken maos istighfar ing saben-saben bibar sholat, bibar luru ilmu
lan bibar nindaaken kathah-kathahipun amal. Malah-malah sinaosa saksampunipun
nyata-nyata pikantuk kemenangan, tiyang mukmin tetep kadhawuhan nyuwun
pangapunten dhumateng Allah. Allah ngendika ing surah an-Nashr ayat 1-3) :
إِذَا
جَاءَ نَصْرُ اللَّهِ وَالْفَتْحُ﴿١﴾وَرَأَيْتَ النَّاسَ يَدْخُلُونَ فِي دِينِ
اللَّهِ أَفْوَاجًا﴿٢﴾فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ
تَوَّابًا
"Nalikane wus
tumeka pitulungan saka Allah lan kemenangan, lan sira kabeh nyumurupi manungsa
padha mlebu marang agamane Allah kanthi rombong-rombongan, mangka pada tashbiha
lan ngalembana marang Rabbmu lan nyuwuna pangapura marang Piyambake Allah.
Satemene Allah iku Maha Nampa taubat".
Kaum muslimin rahimakumullah!
Kaping kalih, ing antawisipun tandha dipun tampinipun amal
inggah punika samsaya dipun gampilaken nindaaken kesaenan.
Piwales saking amal sae inggih punika tumindak
sae salajengipun. Sinten kemawon ingkang nindaaken kesaenan lajeng nututi
kanthi nindaaken kesaenan salajengipun, mangka ingkang makaten punika mujudaken tandha dipun tampinipun amal
ingkang rumiyin. Makaten ugi sok sintena tiyang ingkang nindaaken kesaenan,
ananging malah dipun tututi kanthi lampah maksiyat, mangka ingkang
makaten punika tandhanipun amal mboten dipun tampi.
Ingkang makaten nyocogi kaliyan pangandikanipun
Imam Ibnu Katsir nalika paring keterangan ing tafsir surah
al-Lail :
مِنْ ثَوَابِ الحَسَنَةِ الحَسَنَةُ بَعْدَهَا، وَمِنْ جَزَاءِ
السَّيِّئَةِ السَّيِّئَةُ بَعْدَهَا
“Ing antarane piwales kabecikan yaiku kabecikan sabanjure lan
ing antarane piwales piala yaiiku piala sabanjure". (Tafsir Al-Qur’an
Al-‘Azhim).
Kaum muslimin rahimakumullah!
Kaping
tiga, ing antawisipun tandha dipun tampinipun amal
setunggal tiyang, tiyang punika saya tambah sae budi pekertinipun.
Menawi kita
naliti pitedah al-Qur'an lan sunnah, saged kita panggihi bilih saben-saben
ibadah ingkang dipun lampahi kanthi leres badhe numusi ngrembakanipun budi
pekerti sae tiyang ingkang nindaaken. Wohipun
ibadah setunggal tiyang punika wujudipun akhlak. Pramila akhlak ingkang nututi ibadah setunggal mukmin saged dados
ukuran dipun tampi utawi dipun tulakipun ibadah. Sok sintena akhlakipun tambah
sae sak sampunipun nindaaken ibadah mangka sedaya punika mujudaken tandha dipun
tampinipun amal. Wondene tiyang-tiyang ingkang ibadahipun mboten nambahi sae
akhlakipun punika mujudaken titikan saking dipun tulakipun ibadah.
Shalat umpaminipun,
shalat punika badhe nebihaken mushallin saking tumindak jember lan
mungkar. Allah SWT ngendika ing ayat ingkang njelasaken hikmah shalat :
وَأَقِمِ الصَّلاةَ إِنَّ الصَّلاةَ
تَنْهَى عَنِ الْفَحْشَاء وَالْمُنكَرِ
“Lan padha
njejegake shalat. Saktemene shalat iku nyegah saka tumindak jemebr lan
mungkar." [QS. Al-Ankabut: 45].
Shalat malah-malah
mboten saged nylametaken setunggal tiyang saking neraka menawi sholatipun
mboten saged ngicali pekerti awonipun.
Setunggal wekdal wonten sahabat pradul dhumateng Rasulullah shallallahu
'alaihi wassalam :
إِنَّ
فُلَانَةَ تَقُومُ اللَّيْلَ وَتَصُومُ النَّهَارَ، وَتَفْعَلُ، وَتَصَدَّقُ،
وَتُؤْذِي جِيرَانَهَا بِلِسَانِهَا
Artinya: “Estunipun
Fulanah teterasan anggenipun nindaaken shalat ndalu, ugi remen sedekah,
ananging piyambakipun remen natoni
tangga-tepalih kanthi lisanipun." Rasulullah ngendika:
لَا خَيْرَ فِيهَا، هِيَ مِنْ أَهْلِ
النَّارِ
Artosipun : “Ora
ana kebecikan tumrap dheweke, dheweke iku ahli neraka." (HR. Baihaqi)
Ma'asyiral muslimin rahimakumullah!
Ing antawisipun
hikmah zakat inggih punika nuwuhaken raos welas dhumateng sesami titah. Shiyam
nglantaraken setunggal tiyang saged ngendaleni nefsunipun ingkang asring ngajak
tumindak awon. Ing dalem hadits riwayat Imam Bukhari dipun terangaken bilih
Allah mboten badhe paring ganjaran raos luwe lan ngelakipun tetiyang
ingkang man lam yada' qaulaz zuur wal
'amala bihi – mboten nilaraken pangucap saha tumindak goroh.
Makaten ugi haji,
ibadah haji ingkang dipun tampi inggih punika haji ingkang saged nuwuhaken budi
pekerti sae. Haji mabrur badhe ndumugekaken mboten anamung tambah
tumungkulipun kawula dhumateng Allah, ananging ugi ndumugeaken sakathah-kathah
manfaat tumraping tiyang kathah. Dipun punduti priksa Kanjeng Rasul shallallahu 'alaihi wassalam :
قالوا: يَا رَسُولَ اللهِ، مَا
الْحَجُّ الْمَبْرُوْرُ؟
“Para
sahabat nyuwun priksa, ‘Wahai Rasulullah, punapa haji mabrur punika?’
قال: “إِطْعَامُ الطَّعَامِ، وَإِفْشَاءُ
السَّلَامِ
" Rasulullah njawab, ‘Menehi pangan lan
nyebarke rasa tentrem." (Hadits
ini diriwayatkan oleh Imam Ahmad dalam Musnad-nya).
Jama'ah Jum'at
rahimakumullah!
Nutup khutbah siyang
punika, kula ngajak pribadhi kula lan jama'ah sedaya mangga kita tututi sedaya
ibadah kita kanthi perkawis-perkawis ingkang mbekta dhumateng dipun tampinipun
ibadah. Nebihi pamer, ngantheni kesaenan kanthi kesaenan-kesaenan sanesipun lan
tansah nyaeaken budi pekerti kita sami. Kanthi makaten kita sami pantes
ngajeng-ngajeng ibadah kita sami saged nemoaken ganjaranipun lan do'a-do'a kita
pikantuk ijabahipun.
بَارَكَ
اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا
فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ
اللهَ الْعَظِيْمَ لِيْ وَلَكُمْ.
الْحَمْدُ للهِ عَلىَ إِحْسَانِهِ
وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ
إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا
عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى
سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا
كِثيْرًا
قَالَ
تَعَالَى: يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ
وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.
اَللَّهُمَّ
اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ
اَلاَحْيآءُ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ
وَاْلمُسْلِمِيْنَ وَأَذِلَّ الشِّرْكَ
رَبَّنَا
ظَلَمْنَا أَنْفُسَنَا وَإِنْ لَمْ تَغْـفِـرْ لَنَا وَتَرْحَمْنَا لَنَكُونَنَّ
مِنَ الْخَاسِرِيْنَ
اَللَّهُمَّ
إِنَّا نَسْأَلُكَ الْهُدَى وَالتُّقَى وَالْعَفَافَ وَالْغِنَى.
اَللَّهُمَّ أَرِنَا الْحَقَّ حَقًّا وَارْزُقْنَا
اتِّبَاعَهُ، وَأَرِنَا الْبَاطِلَ باَطِلاً وَارْزُقْنَا اجْتِنَابَهُ. .
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ
وَاجْعَلْنَا لِلْمُتَّقِينَ إِمَامًا. رَبَّنَا آتِنَا فِيالدُّنْيَا حَسَنَةً وَفِي
الآخِرَةِ حَسَنَةً وَقِنَا عَذَابَ النَّارِ. سُبْحَانَ رَبِّكَ رَبِّ الْعِزَّةِ
عَمَّا يَصِفُوْنَ، وَسَلاَمٌ عَلَى الْمُرْسَلِيْنَ وَالْحَمْدُ لِلَّهِ رَبِّ
الْعَالَمِيْنَ.
إرسال تعليق