Caranipun Ngisi Kamardikan
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ
هَادِىَ لَهُ, وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ. أَمَّا بَعْدُ, فَيَا
عِبَادَ اللهِ أُصِيْكُمْ وَإِيَّايَ بِتَقْوَى اللهِ. قَالَ اللهُ تَعَالَى فِيْ الْقُرْآنِ الْكَرِيْمِ: يَا
أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ
إِلاَّ وَأَنتُمْ مُّسْلِمُوْنَ
Jamaah jumah rahimakumullah
Puji syukur sumangga tansah kita kunjukaken
dhumateng Allah Ta’ala ingkang sampun paring rahmat dumateng sedaya umat ipun
saengga wonten siang menika kita tansah manggih rahayu, widada nir ing
sambekala. Shalawat ugi salam mugi tansah katetepaken dhumateng nabi Muhammad SAW
ingkang tansah kita tengga syafaatipun wonten ing
dinten kiyamah.
Jamaah jumah rahimakumullah
Wonten kesempatan khutbah siang menika khatib wasiat
sumangga kita tingkataken taqwa dhumateng Allah kanti nindakaken dhawuhipun lan
nebihi laranganipun. Mugi kanti taqwa panggesangan kita tansah manggih kamulyan fiddunya wal
akhirah. Aamiin.
Jamaah jumah rahimakumullah
Wekdal
menika kita tasih wonten ing wulan Agustus, wulan pengetan dinten kamardikan
nagari Indonesia. Kita sedaya sami mirsani wonten saben- saben papan warga
nagari Indonesia sami ngawontenaken adicara pengetan kamardikan. Wonten ingkang
ngawontenaken pengetan kanthi climen lan wonten ugi ingkang mewah keporo
ngantos hura- hura lan foya- foya. Kamardikan sejatosipun mboten cekap dipun
pengeti kanthi adicara- adicara kados menika. Ananging ingkang paling penting
kadospundi kita ngisi kamardikan ingkang sampun kita tampi menika. Mila wonten
ing mimbar khutbah menika khatib badhe ngaturaken seperangan cara ngisi
kamardikan ingkang leres.
1.
Mbangun
Generasi kanthi Pendidikan ingkang sae
Salah setunggal perkawis
ingkang paling penting kagem ngisi kamardikan inggih menika kanthi paring
panggulawentah putra wayah kita supados dados generasi ingkang kiat, kiat
jasmani lan rohaninipun. Amargi nasib nagari kita wonten wekdal ingkang badhe
dateng menika wonten ing pundakipun putra wayah kita sami. Sahingga kita selaku
tiyang sepuh wajib nggatosaken pendidikan putra wayah kanti saestu. Menawi
putra wayah kita dados generasi ingkang kiat, pinter, akhlakipun luhur, mila
nasib nagari wonten wekdal ingkang badhe dateng insyallah bakal majeng lan
makmur. Ananging menawi gerenasi kita ringkih, keset sinau, akhlakipun mboten
sae mila nasib nagari kita wonten wekdal ingkang badhe dateng mboten saget
dipun jamin kemajenganipun. Allah sampun ngendika ing al- quran:
وَلْيَخْشَ الَّذِينَ لَوْ تَرَكُوا مِنْ
خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ
وَلْيَقُولُوا قَوْلًا سَدِيدًا
“Lan supaya padha wedi marang Allah, wong
kang ninggalake anak- anak kang ringkih, kang deweke uga nguwatirake kahanane anak-
anak mau. Mula padha taqwaa marang Allah lan padha ngucapa kalawan pangucap
kang becik.” (QS. An Nisa:9).
Para ahli tafsir njelasaken
bilih ayat menika dhawuh supados kaum muslimin nyiapaken generasi ingkang kiat.
Maksud kiat menika mboten namung kiat fisikipun, ananging kiat agaminipun, kiat
moralipun, kiat ngelmunipun, kiat ekonominipun lan kiat sedayanipun. Rasulullah
SAW sampun ngendika:
الْمُؤْمِنُ
الْقَوِىُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ
“Wong mukmin kang kuat iku luwih becik lan luwih ditresnani Allah
tinimbang wong mukmin kang ringkih.” (HR.Muslim:2664).
2.
Semangat
makaryo kagem kemajengan nagari
Kamardikan ingkang sampun
dipun perjuangaken para sesepuh kedah kita isi kanthi semangat makaryo. Awit semangat
makaryo menika pinangka sarana bangsa kita badhe maju. Mila kita sedaya warga
Indonesia kedah sesarengan gumbregah semangat makaryo wonten bidang menapa
kemawon pakaryan kita. Mboten pareng warga negara menika males lan keset
makarya. Amargi menawi warga masyarakat males lan keset mila bangsa menika
mboten badhe majeng malah keporo soyo mundur lan ketilar kaliyan bangsa sanes.
Allah dawuh ing al- quran:
وَقُلِ اعْمَلُوْا فَسَيَرَى اللّٰهُ عَمَلَكُمْ
وَرَسُوْلُه وَالْمُؤْمِنُوْنَۗ وَسَتُرَدُّوْنَ اِلٰى عٰلِمِ الْغَيْبِ
وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُوْنَۚ
“Dhawuho sira Muhammad: sira padha tumandanga ing gawe, mangka Allah lan
utusaNe sarta wong- wong kang iman bakal sumurup uwohing tindakira, lan sira
bakal dibalekake sowan ana ing ngarsane Pengeran kang ngawuningani barang ghaib
lan kang nyata. Tumuli panjenengane bakal anjlentrehake marang sira kabeh
tumrap apa wae kang sira tindakake.” (QS. At Taubah:105)
Rasulullah ugi ngendika:
إنَّ اللهَ تعالى يُحِبُّ إذا عمِلَ
أحدُكمْ عملًا أنْ يُتقِنَهُ
“Satemene Allah Ta’ala iku tresna marang wong
kang menawa tandang gawe kanti temenanan.” (HR. At Thabrani).
Jamaah jumah rahimakumullah
Mila
sumangga kita sedaya warga Negara Indonesia tansah gumbregah ngisi kamardikan
kanthi nggatosaken pendidikan generasi kita lan kanthi guyup rukun tandhang
gawe kagem kemajengan pembangunan ing nagari kita. Mugi Allah SWT tansah
andadosaken nagari Indonesia menika nagari ingkan aman, maju, makmur lan
sejahtera warga masyarakatipun. Aamiin.
أَقُوْلُ
قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ
إِنَّهُ هُوَ السَمِيْعُ العَلِيْمُ
Khutbah Kaping Kalih
الحَمْدُ للهِ رَبِّ
العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ
وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ, وَأَشْهَدُ أَنْ
لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ
يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا. اَللَّهُمَّ
صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ
وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ
وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ
إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ
وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ
مُجِيْبُ الدَّعْوَةِ.
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ
وَالغِنَى.
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ
أَعْيُنٍ وَاجْعَلْنَا لِلْمُتَّقِينَ إِمَامًا. رَبَّنَا آتِنَا
فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
إرسال تعليق