Teks Khutbah Jumat
Singkat Bahasa
Jawa
Tanda Allah Nresnani Kawulanipun
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ
فَلاَ هَادِىَ لَهُ . وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ . اللّهُمَّ صَلِّ عَلَى نَبِيِّنَا
مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. يَا أَيُّهَا الَّذِينَ آمَنُوا اتَّقُوا اللَّهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Puji syukur sumangga tansah kita kunjukaken dhumateng Allah Ta’ala ingkang sampun paring kanikmatan dhumateng sedaya umat ipun satemah wonten siang punika kita tansah manggih rahayu, widada nir ing sambekala. Shalawat ugi salam
mugi tansah katetepaken dhumateng nabi Muhammad SAW ingkang tansah kita tengga syafaatipun wonten ing dinten kiyamah.
Wonten kesempatan khutbah siang punika khatib wasiat sumangga kita tingkataken taqwa kanthi nindakaken dhawuhipun
Allah lan nebihi laranganipun.
Mugi kanti taqwa panggesangan kita tansah manggih kamulyan fiddunya wal akhirah. Amiin.
Kita asring mireng sanak sederek ngendika: “Alhamdulillah, Allah tasih tresna dhumateng kula.” Utawi “Alhamdulillah kula dipun tresnani Allah”.
Sejatosipun Kadospundi tanda Allah nresnani kawulanipun punika?.
Seperangan tiyang kagunggan pemanggih nalika jabatanipun tansaya inggil, utawi
bandanipun tansaya katah, usahanipun lancar punika tanda tresnanipun Allah. Lajeng
napa bentenipun kaliyan firaun, haman lan qarun? Tiyang- tiyang kasebat mboten
kirang bandanipun, jabatanipun, ananging punapa fir’aun, haman lan qarun dipun
tresnani Allah?. Temtu jawabanipun mboten, malah firaun, haman lan qarun punika
kalebet tokoh ingkang dipun murkai Allah.
Jamaah jumah rahimakumullah
Mila sejatosipun punapa tanda Allah nresnani kawulanipun?
1.
Dipun
dadosaken tiyang ingkang paham agami
Paham tuntunan agami mujudaken salah setunggal tanda bilih tiyang kasebat
dipun tresnani Allah. Ngendika Rasulullah SAW:
مَن
يُرِدِ اللهُ به خيرًا يُفَقِّهْه في الدينِ
“Sapa wonge dikersaake Allah kebecikan ing deweke, mula dipahamake ing urusan
agama” (HR. Bukhari lan Muslim)
Salah setunggal
tanda bilih Allah tresna dhumateng tiyang saget katitik tiyang kasebat sregep
sinau ilmu agami, remen dhumateng majlis- majlis ilmu, ugi remen srawung
kaliyan tiyang- tiyang ingkang ngudi ilmu. Sahingga kanti remen ngudi ilmu
tiyang kasebat paham dawuh lan laranganipun Allah, paham perkawis ingkang halal
lan haram lan paham perkawis ingkang haq ugi bathil. Allah ngendika ing Al-
quran:
يَرْفَعِ
اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ۚ
“Allah bakal ngluhurake
para wong mukmin saka sira kabeh, apa dene wong kang kaparingan ilmu kalawan
pirang- pirang derajat…”.
(Al Mujaadilah: 11)
2.
Dipun
gampilaken nindakaken amal shalih.
Kalebet tanda bilih Allah nresnani kawulanipun inggih punika badhe kaparingan
hidayah, sahingga gampil nindakaken sedaya amal shalih. Ngendika Rasulullah ing
setunggal hadits:
“Menawa Allah ngersaake
kabecikan marang sawiji wong, mula Allah anggawe gelem ngamal.” Sahabat nyuwun
pirsa: “Punapa maksudipun andamel purun ngamal?” Panjenenganipun rasul ngendika:
“Allah mbuka atine wong iku sahingga deweke sregep nindakake amal shalih
sadurunge deweke mati, sahingga wong liya pada ridha marang deweke”. (HR. Ahmad lan Al Hakim).
Mila kalebet tanda Allah nresnani kawulanipun Allah badhe andamel kawula
kasebat sregep nindakaken amal shalih kadosdene: njagi ibadah shalat wajib lan
shalat sunah, remen tindak shalat jamaah wonten ing masjid, remen nindakaken
shalat lail lan shalat sunnah sanesipun. Mekaten ugi tiyang kasebat remen
nindakaken shiyam, remen shadaqah lan ibadah sanesipun.
3.
Dipun
paringi ujian
Tanda salajengipun menawi Allah tresna dhumateng kawulanipun badhe dipun
paring ujian. Ujian punika kagem natar kadospundi imanipun kawula kasebat. Menawi
kawula kasebat estu iman dhateng Allah mesti Allah badhe paring ujian. Menawi imanipun
kiyat mila ujianipun inggih awrat, ananging menawi imanipun ringkih mila
ujianipun inggih namung entheng. Ngendika
Rasulullah:
مَنْ يُرِد اللَّهُ بِهِ خَيْرًا يُصِبْ مِنْهُ
Jamaah jumah rahimakumullah
Mekaten khutbah jumat ingkang khatib aturaken,
mugi- mugi kita sedaya kalebet tiyang- tiyang ingkang dipun tresnani Allah SWT.
Aamiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat bahasa Indonesia ini dalam bentuk PDF silahkan download melalui tautan berikut ini :
إرسال تعليق