Teks
Khutbah Jumat Singkat Bahasa Jawa
Nebihi Guneman Ala
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ
لَهُ , وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ
وَأَشْهَدُ أَنَّ مُحَمَّدًا عَبْدُهُ وَرَسُولُهُ, اللّهُمَّ صَلِّ عَلَى
نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ
الدِّيْنِ , يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ
وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun
lan nebihi laranganipun. Mugi kanti taqwa Allah tansah
paring kamulyan
fiddunya wal akhirah. Amiin.
Jamaah jumah rahimakumullah
Islam ngajak
sedaya umatipun nderek tindak lampah kanjeng nabi Muhammad SAW. Amargi ngabekti dhumateng Allah punika kedah dipun lampahi kanthi nderek kanjeng Nabi,
inggih punika nglampahi pituduh
ingkang sampun kaserat wonten kitab hadits. Umat islam
ingkang estu mituhu dhateng pituduhipun kanjeng Nabi, yekti badhe pikantuk
kamulyan ingkang agung. Ngendika Allah ing al- quran:
وَمَنْ
يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
“… lan sing sapa wonge nderek marang Allah lan
utusane, temen deweke oleh kabegjan kang agung”. (QS. Al-Ahzab;71)
Jamaah jumah rahimakumullah
Setunggal perkawis
ingkang asring dipun emutaken kanjeng nabi dhateng umatipun ingih punika wigatinipun
njagi guneman. Guneman punika dados pertanda sae awonipun iman tetiyang. Tiyang
ingkang imanipun sae mesti gunemanipun sae, kosok wangsulipun menawi wonten tiyang
ingkang gunemanipun awon bukti imanipun dereng sae. Ngendika kanjeng nabi:
لَا يَسْتَقِيمُ إِيمَانُ عَبْدٍ
حَتَّى يَسْتَقِيمَ قَلْبُهُ ، وَلَا يَسْتَقِيمُ قَلْبُهُ حَتَّى يَسْتَقِيمَ
لِسَانُهُ
“Durung bisa dianggep lurus
imane wong sakdurunge lurus atine, lan durung bisa dianggep lurus atine wong
sakdurunge lurus lisane” (HR. Ahmad )
Imam Syafii
ngendika: “Menawa sira bakal guneman mula
wajib mikirke guneman sira, menawa guneman iku becik manfaate mula tindakna,
ananging menawa guneman iku ala manfaate mula aja ditindakna (meneng).”
Jamaah jumah rahimakumullah
Punapa guneman ala punika kalebet perkawis ingkang saget damel bebaya?. Setunggal
wekdal kanjeng nabi dipun suwuni pirsa para sahabat: “Wahai kanjeng nabi, punapa kula sedaya badhe dipun tuntut amargi
guneman? Panjenenganipun nabi ngendika:
وَهَلْ يَكُبُّ النَّاسَ في النَّارِ
على وُجُوهِهِمْ إِلاَّ حَصَائِدُ ألْسِنَتِهِمْ؟
“Sira kabeh
apa ora ngerti, menawa kang nyebabake manungsa diseret ana ing neraka kanthi wajah-
wajahe iku amarga saka pokal gawe lisane?” (HR. At- Tirmidzi)
Guneman ala
kalebet maksiyat ingkang katah bebayanipun, punapa malih guneman ala punika
biasanipun kaangep sampun perkawis lumrah ing madyaning pasrawungan. Kadosdene
guyonan, gojegan lajeng ngucap pangandikan ingkang saru. Ingkang langkung awrat
malih ancaman dosanipun, inggih punika kadosdene nyatur, moyoki lan mitnah
tiyang sanes.
Ing jaman modern punika kula lan
panjenengan kedah langkung ngatos- atos anggenipun njagi guneman. Amargi
sakpunika teknologi informasi sampun tansaya canggih. Guneman ingkang
sakwaunipun namung kaangep sepele ananging ngaggem media sosial saget dados
perkawis ingkang ingkang mbebayani estu. Nyatur tiyang tetanggi RT utawi tetanggi
setunggal dusun ananging mawi media sosial saget dumugi pundi- pundi. Menawi
ingkang dipun catur utawi dipun pitnah mboten trimah, kula lan panjenengan
saget dipun jerat pidana kanti undang- undang ITE. Saklentunipun punika temtu
dosanipun ugi langkung awrat, amargi kalebet sampun nganiyaya tiyang sanes
kanti lisan.
Jamaah jumah rahimakumullah
Muslim ingkang sae ingih punika ingkang wicaksana lan ngatos- atos
anggenipun ngginaake lisan. Lisan kedah dipun ginaaken kagem guneman ingkang
saget nglumantaraken dhateng kamulyan. Menawi sekintenipun mboten wonten
manfaatipun, mila prayogi mendel mawon mboten perlu guneman. Ngendika kanjeng
nabi:
مَنْ
كَانَ يُؤْمِنُ بِاللَّهِ وَالْيَوْمِ اْلآخِرِ فَليَقُلْ خَيْرًا أَوْ لِيَصْمُت
“Sapa wonge iman marang Allah lan dina akhir
mula ngucapa kalawan pangucap kang becik utawa meneng…” (HR. Al-Bukhari: 6018, Muslim:47)
Jamaah jumah rahimakumullah
Mekaten setunggal tema ingkang khatib aturaken wonten
mimbar khutbah siang punika. Mugi Allah tansah maringi pitedhah dhumateng kula
lan panjenengan satemah saget nindakaken ajaran agami punika kanthi leres. Amiin.
أَقُوْلُ قَوْلِي هَذَا وَاسْتَغْفِرُ اللهَ لِي وَلَكُمْ وَلِسَائِرِ المُسْلِمِيْنَ إِنَّهُ هُوَ السَمِيْعُ العَلِيْمُ
Khutbah Kaping
Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat bahasa Jawa ini dalam bentuk PDF silahkan download melalui tautan berikut ini :
إرسال تعليق