Teks Khutbah Jumat Singkat Bahasa Jawa
Becik Ketitik Ala Ketara
Ust. Wismanto
Khutbah Sepisan
Jamaah jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dhawuhipun lan nebihi awisanipun. Mugi kanti taqwa Allah tansah paring kamulyan fiddunya wal akhirah. Amiin.
Allah punika Maha
Sampurna, salah setunggal bukti sampurnanipun inggih punika Allah mboten nate rumaos
ngantuk napa malih sare.
Allah tansah njagi lan ngawasi sedaya makhlukipun. Kula lan panjenengan ngucapaken pangandikan punapa kemawon Allah mesthi midanget, kula lan panjenengan nindakaken punapa kemawon Allah mesthi nguningani. Mboten wonten setunggal kedadosan ingkang luput saking Allah. Ngendika wonten ing al- quran:
فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ
يَعْمَلْ مِثْقَالَ ذَرَّةٍ شَرًّا يَرَهُ
“Mula sapa sing tumindhak becik senajan mung sakboboting wiji sawi mesthi
bakal meruhi (piwalese). Lan sapa sing tumindhak ala senajan mung saboboting
wiji sawi mesthi bakal meruhi (piwalese)” (Az- Zalzalah: 7 & 8)
Abdurrahman bin Nashir As- Sa’di ngendika:”Ayat iki pinangka dhawuh
supaya wong mukmin gumbregah tumindhak amal kabecikan senajan mung setithik,
lan uga pinangka pepiling tumrap tumindhak alan senajan mung setithik.” (Taisirul
Karimirrahman:932)
Ayat ing nginggil suka keteragan bilih Allah punika Maha Nguningani punapa
kemawon ingkang dipun tindhakaken umatipun. Lan Allah bahde paring piwales
dhateng umatipun gumantung kadospundi tindhak- tandhuk umat kasebat. Senajan
naming alit kesaenan ingkang dipun lampahi setunggal tiyang mesthi badhe dipun
paringi ganjaran. Mekaten ugi senajan namung alit kalepatan ingkang dipun
lampahi setunggal tiyang mesthi badhe dipun paringi piwales.
Jamaah jumah rahimakumullah
Ngendika Allah wonten setunggal ayat:
وَمَا كُنْتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ
وَلَا أَبْصَارُكُمْ وَلَا جُلُودُكُمْ وَلَٰكِنْ ظَنَنْتُمْ أَنَّ اللَّهَ لَا
يَعْلَمُ كَثِيرًا مِمَّا تَعْمَلُونَ
“ Lan sira ora bisa singidan murih
ora sineksenan dening pangrungonira, pandelengira lan kulitira dewe, katandha
sira wus pada ngira manawa Allah ora nguningani sakehing tindhak kang pada sira
lakoni.”
(Fushilat:22)
Wonten Tafsir Muyassar dipun ngendikaaken: “Apa sira kabeh pada ngira
menawa Allah iku ora nguningani tumindhak ala sira jalaran sira tindhakake
kanthi sesideman?”
Wonten ing Tafsir Kemenag dipun ngendikaaken: “Ayat punika suka
keterangan bilih manungsa mboten saget nutup- nutupi tumindhak awonipun.
Senajan mboten wonten tiyang ingkang mangertosi laku awonipun, ananging Allah
tansah nguningangi.”
Jamaah jumah rahimakumullah
Ayat- ayat wonten nginggil ngajak kula lan panjenengan yakin bilih Allah
Maha Nguningani punapa kemawon ingkang kita lampahi. Lan ngajak kula lan
panjenengan yakin bilih Allah badhe paring piwales tumrap punapa kemawon
ingkang kita lampahi. Wonten ing unen- unen jawi asring kula lan panjenegan midhanget:
becik ketitik ala ketara. Kanthi punika kula lan panjenengan namung wajib
tumindhak becik, wonten pundi papan lan dhateng sinten kemawon. Amargi namung
kabecikan ingkang badhe nylametaken panggesangan kula lan panjenengan.
Ngendika Rasulullah:
إِنَّ اللهَ كَتَبَ اْلإِحْسَانَ عَلَى كُلِّ شَيْءٍ … رَوَاهُ
مُسْلِمٌ.
“Satemene Allah wus majibake tumindhak becik marang saweneh samubarang”
(HR. Muslim)
Imam An- Nawawi ngendika: “Hadits iki pinangka dhawuh wajibe tumindhak
kabecikan marang sapa wae lan ana ing papan ngendi wae”.
Jamaah jumah rahimakumullah
Mila kanthi punika sumangga
kula lan panjenengan tansah gumbregah nindhakaken kesaenan, amargi sedaya
kesaenan ingkang kula lan panjenengan lampahi mesthi badhe dipun ganjar Allah.
Mekaten ugi sumangga tansah sesarengan nebihi sedaya tumindhak awon, amarga
sedaya tumindha awon punika mesthi badhe dipun paring piwales dening Allah
Ta’ala. Mugi Allah tansah paring kekiatan iman satemah kula lan panjenengan
saget istiqamah nindhakaken sedaya lampah kesaenan.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن
إرسال تعليق