Teks Khutbah Jumat
Singkat
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ مِنْ سَيِّئَاتِ
أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ
هَادِىَ لَهُ, وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا
أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ
إِلَّا وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa panggesangan kita tansah pikantuk
kamulyan fiddunya wal akhirah. Amiin.
Allah
SWT nyawisaken papan panggesangan ingkang langgeng wonten dinten akhir. Surga
kacawisaken tumrap tetiyang ingkang Allah kersaaken. Lan neraka kacawisaken
tumrap tetiyang ingkang Allah kersaaken ugi. Mila wonten mimbar khutbah siang
punika khatib badhe angaturaken amalan- amalan ingkang saget nglumantaraken
kula lan panjenengan tumuju surganipun Allah SWT.
Thalabul
‘ilmi utawi sinau ilmu agami mujudaken amalan agung, ingkang saget andadosaken
kula lan panjenengan kalebet calon ahli surga. Ngendika Rasulullah SAW:
وَمَنْ
سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا
إِلَى الْجَنَّةِ
“Lan sing
sapa wonge lumaku kanggo ngudi ilmu, teme Allah bakal anggampangake dalane tumuju surga” (HR. Muslim. No
2699)
Thalabul ‘ilmi agami mujudaken
sarana ingkang paling agung
kagem nggayuh surga. Amargi kanthi ilmu agami kula lan panjenengan bade
mangertosi tuntunan ingkang utama. Kula lan panjenengan badhe mangertosi pundi
dawuh- dawuhipun Allah SWT lan pundi awisanipun. Kanti ilmu agami kula lan
panjenengan kita badhe mangertosi antawisipun perkawis ingkang leres kelawan
ingkang lepat. Kanthi ilmu agami ugi kula lan panjenegan badhe sumurup perkawis
ingkang halal lan ingkang haram. Mila thalabul ‘ilmi mujudaken kewajiban
ingkang paling pokok tumrap kita sami umat muslim.
Kaping kalih: Njagi wudhu
lan shalat.
Ngendika Rasulullah SAW:
مَا مِنْ مُسْلِمٍ يَتَوَضَّأُ فَيُحْسِنُ وُضُوءَهُ
ثُمَّ يَقُومُ فَيُصَلِّي رَكْعَتَيْنِ مُقْبِلٌ عَلَيْهِمَا بِقَلْبِهِ
وَوَجْهِهِ إِلَّا وَجَبَتْ لَهُ الْجَنَّةُ
“ora ana sawiji wae wong muslim, kang deweke wudu lan nyempurnaake anggone wudu banjur nindakake shalat 2 rakaat kanti khusyuk, kejaba Allah majibake deweke mlebu surga” (HR. Muslim)
Wonten hadits sanes
ingkang dipun riwayataken imam muslim, Rasulullah
SAW ngendika ingkang maknanipun: sinten ingkang wudu kanti sempurna lajeng
maos doa: : “Asy-hadu an laa ilaaha
illallaah wahdahu laa syarikalah, wa assyhadu anna muhammadan
abduhu wa rasuuluh” bade dipun bikakaken 8 lawang surga
lajeng dipun aturi lumebet saking lawang pundi
kemawon ingkang dipun remeni.
Kaping Tiga: Njagi Shalat Rawatib
Rasulullah
SAW
ngendiko:
مَنْ صَلَّى اثْنَتَىْ عَشْرَةَ
رَكْعَةً فِى يَوْمٍ وَلَيْلَةٍ بُنِىَ لَهُ بِهِنَّ بَيْتٌ فِى الْجَنَّةِ
“Sapa wonge njaga shalat 12 raka’at ana ing awan
lan wengine, mula Allah bakal nyawisake marang deweke omah ana ing surga.” (HR. Muslim)
Wonten hadits sanes
dipun terangaken ingkang dipun maksud 12 rakaat inggih punika:
4 rakaat qabliyah dhuhur
2 rakaat ba’diyah dhuhur
2 rakaat ba’diyah
maghrib
2 rakaat ba’diyah isyak
2 rakaat qabliyah subuh.
Senajan shalat rawatib
punika sunnah ananging
kautamanipun ageng sanget. Sepisan tiyang ingkang njagi shalat rawatib dipun
cawisaken griya utawi istana wonten ing
surga. Kautaman sanes shalat rawatib pinangka panyampurna ibadah shalat wajib. Mekaten
ugi bukti
bilih shalat rawatib punika utama, katitik
kanjeng Rasul lan para sahabat
sami estu
anggenipun njagi.
Maasyiral muslimin jamaah jumah rahimakumullah
Mekaten seperangan amalan shalih ingkang kalebet
amalan ahli surga. Sumangga tansah njagi
amalan-
amalan ingkang kasebat, mugi sedaya kalua wau dados sarana Allah anggampilaken margi
kita tumuju surga. Amiin
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ إِلَهَ
إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن
Untuk membaca atau mencetak file khutbah jumat singkat bahasa Jawa ini dalam bentuk PDF silahkan download melalui tautan berikut ini :
إرسال تعليق