Teks Khutbah Idul
Adha 1444 H
Nabi Ibrahim Alaihissalam
Ustadz Wismanto
إِنَّ الْحَمْدَ
لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ
شُرُورِ أَنْفُسِنَا وَ مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ
مُضِلَّ لَهُ وَمَنْ يُضْلِلْ فَلاَ هَادِىَ لَهُ, وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ, اللّهُمَّ صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ
بِإِحْسَانٍ إِلَى يَوْمِ الدِّيْنِ , يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا
تَمُوتُنَّ إِلَّا وَأَنْتُمْ مُسْلِمُونَ
اللهُ أَكْبَرُ اللهُ أَكْبَرُ لاَ إِلَهَ إِلاَّ اللهُ
وَاللهُ أَكْبَرُ اللهُ أَكْبَرُ وَللهِ الحَمْدُ
Jamaah idul adha rahimakumullah
Puji syukur sumangga tansah
kita kunjukaken dhumateng Allah Ta’ala ingkang sampun paring
kenikmatan dhumateng sedaya umatipun satemah wonten enjang punika
kula lan panjenengan saget nindakaken ibadah shalat idul adha 1444 H kanti manggih rahayu,
widada nir ing sambekala. Shalawat ugi salam mugi tansah katetepaken dhumateng nabi Muhammad SAW
ingkang tansah kita tengga syafaatipun wonten ing
dinten kiyamat. Wonten kesempatan punika khatib wasiat sumangga
tansah njagi taqwa, amargi namung taqwa margi ingkang saget nylametaken
panggesangan kita wonten dunya lan akhirat.
Dinten
idul adha ngemutaken kula lan panjenengan dhumateng tiyang sepuh kita, inggih
punika bapa Ibrahim, ibu Hajar lan ugi Ismail. Keluarga nabi Ibrahim mujudaken
keluarga ingkang utama lan dados cikal bakal lahiripun para nabi lan rasul. Allah
SWT paring pangandikan wonten ing al- quran:
قَدْ
كَانَتْ لَكُمْ اُسْوَةٌ حَسَنَةٌ فِيْٓ اِبْرٰهِيْمَ وَالَّذِيْنَ مَعَهۚ
Artosipun:” Yekti Ibrahim lan para pendereke iku dadi
suri- tuladhan kang utama tumrap sira kabeh . . .(QS- Al Mumtahanah:4)
Mila wonten
mimbar khutbah idul adha enjing punika khatib ngajak sumangga kula lan
panjenengan mendet piwucal utama saking keluarganipun nabi Ibrahim a.s. Punapa
kemawon piwucal ingkang saget kita pendet? Masyaallah, kanyata katah sanget
piwucal utama ingkang saget kula lan panjenengan pendet saking keluarga nabi
Ibrahim punika.
Ibrahim punika nabi
utusanipun Allah, garwanipun Hajar lan bapanipun Ismail. Ibrahim sampun
kawentar dados tiyang ingkang taat dhumateng Allah. Taatipun Ibrahim boten
saget dipun dipunragukaken malih ing bab punapa kemawon.
Setunggal bukti rikala
Ibrahim mawantu- wantu lahiripun putra ngantos kirang langkung yuswa 80an tahun
Allah nembe paring putra saking hajar (siti hajar). Putra ingkang dipun idamam-
idamaken estu sampun lahir lajeng dipun paringi asma Ismail. Nembe remen-
remenipun nampi anugerah putra, Allah banjur dhawuh supados hajar lan ismail
dipun pindah wonten jazirah arab (bakkah) lajeng Ibrahim kedah nglajengaken
jejibahan dakwah wonten palestina. Pikantuk dawuh punika Ibrahim ngestoaken
kanthi madep mantep tanpa wigah- wigih. Kisah rikala Ibrahim nilaraken hajar
lan ismail punika kaserat ing al- quran, ngendika Allah:
رَبَّنَا إِنِّي أَسْكَنْتُ مِنْ
ذُرِّيَّتِي بِوَادٍ غَيْرِ ذِي زَرْعٍ عِنْدَ بَيْتِكَ الْمُحَرَّمِ
“ (Ibrahim matur) Dhuh Pengeran kawula, saestunipun
kawula sampun ngeggenaken sebagiyan anak turun kawula wonten ing lembah ingkang
boten wonten tetanemanipun caket kaliyan Dalem Paduka Baitullah ingkang
minulya…”. (QS. Ibrahim:37).
Ibrahim ugi kawentar welas
asihipun dhateng kang garwa /hajar lan kang putra ismail. Katresnanipun Ibrahim
kabukteaken kanthi tanggeljawab paring nafkah lan paring piwucal dhateng garwa
lan putra. Sinaosa Ibrahim nindhakaken jejibahan dakwah ananging ugi ngayahi
jejibahan dados kepala keluarga ingkang sae.
2.
Hajar garwa ingkang shalihah.
Hajar punika
garwa ingkang mituhu dhateng Ibrahim lan ibu ingkang minulya tumrap ismail. Pinangka
garwa ingkang shalihah, Hajar tansah mbangun miturut sedaya dawuhipun Ibrahim,
amargi yakin bilih sedaya ingkang dipun dhawuhaken Ibrahim punika saking Allah.
Mekaten rikala hajar lan ismail dipun boyong saking palestina tumuju bakkah/
Makkah hajar matur: “punapa menika dhawuhipun Allah,? Ibrahim ngendika: “bener”.
Hajar matur: “estu menawi punika dhawuhipun Allah yekti Allah boten bade
nglirwaaken kawulanipun”. (HR. Bukhari)
Awit saking
taatipun Hajar lan Ismail mila saking keluarga punika badhe nglahiraken keturunan
putra wayah ingkang shalih. Putra wayah ingkang leres tauhidipun,
nglestantunaken dakwah lan njagi baitullah pinangka pusat pangibadahan tiyang-
tiyang ingkang iman. Ing akhiripun lahir saking keluarga punika rasul ingkang
pungkasan Muhammad SAW.
Pinangka ibu, Hajar
punika estu dados ibu ingkang patut dipun tuladhani. Pirsa garwanipun
nindhaaken jejibahan dakwah, Hajar gumbregah pados kacekapan nafkah kagem
ismail lan suka piwucal ingkang luhur dhateng keng putra. Saben dinten hajar
suka panggulawentah kanthi nyriosaken kautaman- kautaman bapa Ibrahim dhateng
ismail. Sedaya laku utama lan kesaenan Ibrahim dipun kabaraken dhateng ismail.
Mboten wonten wekdal, kejawi Hajar suka Pendidikan dhateng Ismail kanthi
ngambaraken agungipun akhlaq bapanipun. Mila ismail dados putra ingkang sanget
binggah lan bombong kagungan bapa Ibrahim. Menggah ismail, Ibrahim punika
mujudaken bapa lan piyayi ingkang luhur,
agung ingkang patut dipun tuladhani.
3.
Ismail putra ingkang shalih.
Ismail punika peparingipun
Allah dhateng Ibrahim pinangka ijabah saking pandonga ingkang rinten dalu
tansah dipun suwun Ibrahim. Ngendika Allah:
فَبَشَّرْنَٰهُ بِغُلَٰمٍ حَلِيمٍ
“Ingsun nuli ambebungah marang Ibrahim kalawan Sun paring anak lanang
kang halim (aris/ penyabar) yaiku Ismail.” (QS. As- Shaffat: 101).
Ismail putra ingkang bektos datheng bapa lan ibunipun piyambakipun tansah
caos pambiyantu ing pakaryan punapa kemawon kagem nyekapi keluarga. Ismail
kawentar dados lare ingkang ulet makarya kadosdene ngingah mendha (Kambing),
bebakulan lan pakaryan sanesipun.
Ismail kaparingan sifat halim ingkang artosipun
lemah lembut lan penyabar. Ismail putra ingkang sanget sabar ing bab punapa
kemawon lan mboten nate muring utawi emosi. Sabar ingkang paripurna kaserat ing
al- quran rikala nampi pacoben badhe dipun belih bapanipun. Ngendika Allah:
فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي
أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ
افْعَلْ مَا تُؤْمَرُ سَتَجِدُنِي إِنْ شَاءَ اللَّهُ مِنَ الصَّابِرِينَ
“Bareng Ismail putrane, wus bisa rumagang ing gawe ngrewangi bapakne,
Bapakne tutur marang Ismail:”He ngger anakku, satemene aku wus ngimpi ing
sajeroning turu nyembelih ing sira, mula kepriye ngger penemunira? Ismail
matur: “Duh Rama sumangga panjenengan tindhakaken punapa ingkang sampun
kadawuhaken dening Allah, insyaallah Panjenengan pirsa kula punika kalebet
golonganipun tiyang ingkang sabar”. (QS. As- Shaffat: 102)
اللهُ أَكْبَرُ اللهُ أَكْبَرُ لاَ إِلَهَ إِلاَّ اللهُ وَاللهُ أَكْبَرُ
اللهُ أَكْبَرُ وَللهِ الحَمْدُ
Mekaten seperangan piwucal utama ingkang khatib
aturaken wonten mimbar khutbah idul adha enjang punika. Mugi kita sedaya kadadosaken
kawula ingkang saget nuladhani keluarganipun kanjeng nabi Ibrahim a.s. keluarga
ingkang taat dumateng Allah, sabar nalika nandang pacoben lan tansah lumampah
wonten margi ingkang dipun ridhai Allah SWT. Amiin.
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah IDUL ADHA 1444H singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق