Teks Khutbah Jumat Singkat
Mbangun Keluarga Ingkang Sakinah
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ , وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا
وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah
siang punika khatib wasiat sumangga tansah
ningkataken taqwa dhumateng Allah kanthi nindakaken dhawuhipun lan nebihi awisanipun. Mugi kanti taqwa Allah
SWT tansah paring kamulyan fiddunya wal akhirah. Amiin.
Jamaah jumah rahimakumullah
Saben tiyang mesthi ngersaaken bale wismanipun rukun,
ayem lan Bahagia utawi Sakinah mawadah warahmah. Amargi keluarga ingkang
Sakinah punika tetenger bilih tiyang kasebat sampun mundi dhawuhipun Allah.
Ngendika Allah:
وَٱلَّذِينَ يَقُولُونَ رَبَّنَا
هَبْ لَنَا مِنْ أَزْوَٰجِنَا وَذُرِّيَّٰتِنَا قُرَّةَ أَعْيُنٍ وَٱجْعَلْنَا لِلْمُتَّقِينَ
إِمَامًا
Artosipun: “Lan wong-wong kang padha matur: Duh
pengeran kula mugi Panjenegan paring dhumateng kula karesepaning mripat ningali
dhateng semah- semah lan anak turun kula, lan mugi panjenengan ndadosna kula
dados panutan ing tiyang- tiyang ingkang taqwa.” (Al- Furqan:74)
Ayat punika mratelaaken bilih manungsa punika
lumrahipun ngajeng- ajeng jejodohan ingkang sae. Amargi semah ingkang sae
punika saget dados panglipur ing manah, saget andadosaken ayem Tentrem suka
bahagia. Punapa malih menawi lajeng kaparingan anak turun ingkang sae shalih
lan shalihah, estu punika sampun pikantuk kabegjan ing dunya bebasanipun baiti
janati (griya menika sampun kados surga).
Jamaah jumah rahimakumullah
Mbangun keluarga ingkang sakinah punika saget kalampah
menawi ing antawisipun pasangan sami njagi raos tresna tinresnan. Tresna- tinresnan
punika saget tuwuh menawi tiyang kekalih sami Syukur lan nampi kanthi Ikhlas
kahanan suami utawi estri. Artosipun kadospundi kahananipun semah kedah dipun syukuri
lan dipun anggep semahipun punika ingkang paling sae, paling bagus utawi paling
ayu, paling pinter, paling gemati.
Mboten pareng ningali kekiranganipun semah lajeng
mbanding- mbandingaken Kaliyan tiyang sanes. Amaragi menawi sampun wantun
mbandingaken semahipun kaliyan tiyang sanes punika badhe dados sebab lunturipun
raos tresna. Ngendika Allah:
هُنَّ لِبَاسٌ لَّكُمْ وَاَنْتُمْ
لِبَاسٌ لَّهُنَّ
Artosipun: “Deweke iku minangka sandangan tumrap
sira lan sira minangka sandangan tumrap deweke..” (Al- Baqarah:187).
Ayat punika suka dhawuh bilih jejodohan punika
kadosdene ageman, suami punika agemanipun estri lan estri punika agemanipun
suami. Kanthi ageman manungsa saget kajagi lan katutup auratipun. Artosipun suami-
estri punika kedhah tansah nutupi lan njangkepi mbokmenawi wonten kirangipun.
Kirangipun tiyang jaler kedhah dipun tutupi lan dipun jangkepi tiyang estri
mekaten ugi kosok wangsulipun.
Jamaah jumah rahimakumullah
Saking ayat punika ugi dipun pendet piwucal bilih
tiyang jejodohan punika mboten wonten ingkang sampurna utawi ideal. Lumrahipun
wonten mawon cacat utawi kekirangan ing antawisipun pasangan suami estri. Mila
perkawis punika kedhah dipun mangertosi lan dipun pahami kanthi leres. Sepindah
malih kekirangan pasangan punika lumrah, menawi pados ingkang sampurna mboten
badhe kepanggih amargi mboten wonten. Manungsa punika papanipun kirang lan
cacat ingkang sampurna punika namung Gusti Allah.
Saklajengipun, rikala nglampahi dinten- dinten mbangun
bale wisma punika kedah dipun katahi raos Syukur. Saben dinten ingkang dipun
angen-angen punika saenipun semah. Mboten pareng kula lan panjenengan menggalih
utawi ngagen- angen awonipun lan kekiranganipun. Menawi kula lan panjenengan saget nglampahi
tuntunan punika insyallah bale wisma kula lan panjenengan badhe Sakinah mawadah
warahmah. amiin
أَقُوْلُ قَوْلِي هَذَا
وَاسْتَغْفِرُ
اللهَ لِي وَلَكُمْ
وَلِسَائِرِ
المُسْلِمِيْنَ
إِنَّهُ هُوَ السَمِيْعُ
العَلِيْمُ
Khutbah Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ،
إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ
وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى , رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا, رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
وَصَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَصَحْبِهِ ومَنْ تَبِعَهُمْ بِإِحْسَانٍ إِلَى يَوْمِ الدّيْن
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق