Teks Khutbah Jumat Singkat
Ustadz Wismanto
Khutbah Sepisan
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ, وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ, اللّهُمَّ صَلِّ عَلَى نَبِيِّنَا
مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ, يَا أَيُّهَا الَّذِينَ آمَنُوا اتَّقُوا اللَّهَ حَقَّ
تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamaah jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dawuhipun lan nebihi awisanipun. Mugi kanti taqwa Allah tansah paring kamulyan
fiddunya wal akhirah. Amiin.
Jamaah jumah rahimakumullah
Ketiga dawa ingkang saweg lumampah punika kedahipun dados bahan muhasabah
sedaya warga Masyarakat kalebet kula lan panjenengan. Mangsa ketiga ingkang
ngantos andadosaken musibah kekeringan punika panci takdiripun Allah, ananging
ugi pepiling kagem kula lan panjenengan ingkang sampun mboten njagi
kelestantunan alam.
Ngendika Allah:
ظَهَرَ الْفَسَادُ فِى الْبَرِّ
وَالْبَحْرِ بِمَا كَسَبَتْ اَيْدِى النَّاسِ لِيُذِيْقَهُمْ بَعْضَ الَّذِيْ عَمِلُوْا
لَعَلَّهُمْ يَرْجِعُوْنَ
“Wus nyata karusakan ana ing dharatan lan ana ing lautan kang disebabake
tindake tangane manungsa, jalaran Allah karsa angicipake saweneh saka akibat
kang wus pada ditindakake, muga- muga wong- wong mau pada bali marang dalan
kang bener” (Ar- Rum:41).
Wonten tafsir Al- Quran Al- Azim ngendika Ibnu Katsir: “Abul Aliyah ngendika:
sing sapa wonge durhaka marang Allah ana ing bumi, mula deweke iku wus tumindak
kerusakan ana ing daratan lan lautan. Amarga lestarine bumi iku katindakna
kanthi taat marang Allah. Taate manungsa marang hukum- hukume Allah kanthi
ninggalake maksiyat iku dadi sebab lestarine tatanan langit lan bumi. Ananging
durhakane manungsa kanthi nglirwaake dhawuhe Allah mula iku dadi sebab rusake
tatanan langit lan bumi”.
Muhasabah ingkang dipun kersaaken ayat ing nginggil, kula lan panjenengan
kedah koreksi diri babagan srawung dhateng Allah (habluminallah) lan srawung
kita dhateng sesami (habluminannas) kalebet srawung kaliyan alam sekitar. Allah
SWT sampun nitahaken kula lan panjenegan wonten ing saklumahing bumi punika
pinangka Abdullah lah khalifah. Maksud jejibahan abdullah inggih punika supados
kula lan panjenengan manembah dhateng Allah kanthi nindakaken dhawuh lan nebihi
awisan. Maksud jejibahan dados khalifah supados kula lan panjenengan dados
patuladhan njagi lestantunipun pasrawungi ing antawisipun umat manungsa lan
lestantunipun tatanan alam.
Jamaah jumah rahimakumullah
Menawi kula lan panjenengan kersa jujur, estu wekdal sakpunika sampun
kathah tumindak umat manungsa ingkang ngrusak lestantunipun alam. Wonten pundi
papan panggenan sampun katah wit- witan ingkang dipun tebangi. Hutan lan alas
dipun risak dipun dadosaken papan bisnis, pabrik, Perusahaan lan sanes-
sanesipun. Menawi eksploitasi punika dipun terusaken, mila alam bade risak,
bumi bade gersang lan musibah bade dumawah.
Akibat saking risakipun alam badhe ngrisak siklus air utawi siklus
hidrologi. Siklus hidrologi ingkang sehat kedahipun lumampah kanthi normal.
Toya saking awan mandap wonten bumi mawi jawah, lajeng ngalir wonten gunung-
gunung, hutan- hutan lajeng wonten kali ngantos dumugi laut lan dados uap
minggah wonten langit. Awan wonten langit banjur numurunaken jawah. Ananging
wekdal sakpunika siklus hidrologi sampun mboten normal sahingga krisis air
bersih kedadosan wonten ing pundi- pundi papan.
Jamaah jumah rahimakumullah
Kansunyatan krisis air
bersih wekdal punika sampun dumugi pundi- pundi, mila kula lan panjenegan kedah
sami koreksi diri lajeng ndandosi habluminallah, habluminannas lan njagi
lestantunipun alam. Ngendika Allah:
قُلۡ اَرَءَيۡتُمۡ اِنۡ اَصۡبَحَ مَآؤُكُمۡ غَوۡرًا فَمَنۡ يَّاۡتِيۡكُمۡ بِمَآءٍ
مَّعِيۡنٍ
“Terangna (Muhammad): Kepriye
panemu sira, manawa sumber banyu kang sira gunake iku pada asat? . Mula sapa
kang bisa paring bayu kang mili marang sira kabeh?” (Al- Mulk:30).
Ayat punika tumurun dhateng
tiyang- tiyang musyrik mekah ingkang jaman rumiyin nyembah berhala lan remen damel
kerisakan wonten ing bumi arab. Allah ngajak tetiyang musyrik punika menggalih
menawi sedaya toya ingkang wonten bumi arab asat, banjur mboten wonten sarana
kagem ngunjuk, mboten wonten sarana kagem kabetahan gesang lang mboten wonten
sarana kagem nguripi kewan ternak. Allah tanglet kinten kinten para berhala
ingkang dipunsembah punapa saget paring toya?. Temtu Allah mboten mbetahaken
wangsulan arupi jawaban lisan, ananging supados tiyang musyrik menggalih bilih
lampah gesangipun punika lepat lan keblinger.
Jamaah jumah rahimakumullah
Sanadyan khitab ingkang
dipun tuju ayat punika tiyang musyrik arab, sejatosipun hukum ayat punika umum
dhumateng sedaya umat manungsa kalebet kula lan panjenengan. Artosipun kula lan
panjenengan mboten sakmestinipun terus- terusan durhaka dhateng Allah lan
ngrisak alam. Kedahipun kula lan panjenegan sadar lajeng enggal enggal ndandosi
pangibadahan dhumateng Allah. Amargi namung kanthi cara punika alam saget dipun
jagi lestantunipun.
Jamaah jumah rahimakumullah
Mekaten khutbah ingkang
khatib aturaken siang punika, mugi kula lan panjenengan kalebet tiyang- tiyang
ingkang saget koreksi diri lan wangsul dhateng mergi ingkang leres. Amiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعْوَةِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
اَللَّهُمَّ أَصْلِحْ وُلَاةَ أُمُوْرِنَا، اَللَّهُمَّ وَفِّقْهُمْ لِمَا فِيْهِ صَلَاحُهُمْ وَصَلَاحُ اْلإِسْلَامِ وَالْمُسْلِمِيْنَ اَللَّهُمَّ أَبْعِدْ عَنْهُمْ بِطَانَةَ السُّوْءِ وَالْمُفْسِدِيْنَ وَقَرِّبْ إِلَيْهِمْ أَهْلَ الْخَيْرِ وَالنَّاصِحِيْنَ يَا رَبَّ الْعَالَمِيْنَ
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق