Teks Khutbah Jumat Singkat
Menang ora
Umuk, Kalah ora Ngamuk
Ustadz Wismanto
إِنَّ الْحَمْدَ لِلَّهِ نَحْمَدُهُ
وَنَ
سْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ
وَأَشْهَدُ أَنْ لاَ إِلَهَ إِلاَّ
اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ
وَرَسُولُهُ
اللّهُمَّ صَلِّ عَلَى نَبِيِّنَا
مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ
يَا أَيُّهَا الَّذِينَ آمَنُوا
اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ
Jamah jumah rahimakumullah
Sumangga tansah munjuk syukur dhumateng Allah Ta’ala ingkang tansah paring rahmat
taufik sarta hidayah dhumateng kula lan panjenengan. Shalawat ugi salam mugi tansah katetepaken dhumateng nabi Muhammad SAW ingkang tansah kita tengga syafaatipun wonten ing dinten kiyamah.
Jamah jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng Allah kanti nindakaken dhawuhipun lan nebihi awisanipun. Mugi kanti taqwa Allah tansah paring kamulyan panggesangan fiddunya wal akhirah. Amiin.
Jamah jumah rahimakumullah
Menawi
kula lan panjenengan kersa maos Al- Quran ugi sejarah umat- umat jaman rumiyin
estu kula lan panjenengan badhe mangertosi bilih wonten hikmah ing saben
prastawa. Umat jaman rumiyin sampun kaserat ing sejarah pinangka piwucal bilih
lelomban ing dunya punika wonten rikalanipun menang lan wonten rikalanipun
kawon. Menang lan kawon wonten ing lelomban punika perkawis ingkang lumrah. Ngendika
Allah SWT:
وَتِلْكَ ٱلْأَيَّامُ
نُدَاوِلُهَا بَيْنَ ٱلنَّاسِ وَلِيَعْلَمَ ٱللَّهُ ٱلَّذِينَ ءَامَنُوا۟
وَيَتَّخِذَ مِنكُمْ شُهَدَآءَ ۗ وَٱللَّهُ لَا يُحِبُّ ٱلظَّٰلِمِينَ
“Lan
dina kang mengkono mau (menang lan kahah) Ingsung gilir- gumantekake ana ing
antarane para manungsa. Supaya Allah ngawuningani wong kang pada iman lan
sebagean sira dikersaake mati syahid. Lan Allah iku ora remen marang wong kang
nganiyaya. (Ali Imran:140)
Ayat
wonten nginggil suka pawartos nalika para shahabat nabi nderek jihad punika
wonten wancinipun menang ananging ugi wonten wancinipun kawon. Menang lan kawon
dipun gilir- gumantekaken Allah dhateng kaum muslimin lan kaum musyrikin. Kaum
muslimin mboten menang terus- terusan. Mekaten ugi kaum musyrikin ugi mboten
kawon terus- terusan. Sedaya kala wau pinangka ujian, kanthi gilir-
gumantinipun menang lan kawon Allah ngersaaken ngawuningani imanipun para
shahabat nabi.
Jamah jumah rahimakumullah
Pemilu
tahun 2024 ingkang dipun leksanaaken wulan punika temtu bahde ngasilaken
presiden lan para wakil rakyat ingkang kapilih. Saking pasangan calon presiden
lan para wakil rakyat ingkang nderek lelomban ing pemilu punika wonten ingkang
menang lan wonten ingkang kawon. Kasunyatan punika kedhahipun sampun dipun
mangertosi lan dipun pahami tetiyang ingkang nyalon ugi para pendukungipun.
Artosipun sedaya ingkang nderek nyalon ing pemilu punika kedhah siap menang lan
siap kawon.
Mila
kanthi punika wigatos sanget menawi kula lan panjenengan nggatosaken
piwucalipun para ulama rikalanipun ngadepi hasil lelomban punika.
Sepisan, sedaya ingkang tinakdir punika mesthi sae.
Islam paring piwucal bilih punapa kemawon ingkang tinakdir punika kesaenan
dhumateng kula lan panjenengan. Menang punika sae kawon punika ugi sae, sedaya
mesthi wonten hikmahipun. Ketingalipun kawon punika mboten ngremenaken ananging
islam paring piwucal kanthi kawon kula lan panjenengan saget koreksi diri lan
ningkataken usaha kagem wekdal ingkang badhe dateng. Ngendika Allah:
وَعَسَىٰٓ
أَن تُحِبُّوا۟ شَيْـًٔا وَهُوَ شَرٌّ لَّكُمْ ۗ وَٱللَّهُ يَعْلَمُ وَأَنتُمْ لَا
تَعْلَمُونَ
“Ngertia,
kadhang perkara kang sira gethingi iku becik tumrap sira, lan perkara kang sira
senengi iku ala tumrap sira, Allah iku Ngawuningani dene sira kabeh ora padha
mangerti” (Al- Baqarah:216).
Kaping kalih, Ingkang menang kedhah Syukur lan ingkang kawon kedhah sabar.
Ing bab punapa kemawon kula lan panjenengan wajibipun syukur lan sabar. Mila
kanthi paripurnanipun pemilu ing tahun punika kula lan panjenengan wajib sabar
lan Syukur. Ingkang menang mboten pareng umuk lan ingkang kawon mboten pareng
ngamuk. Sedaya kasunyatan ing panggesangan punika menawi dipun tampi kanthi sabar
lan syukur estu badhe andadosaken gesang kula lan panjenegan ayem tentrem lan bahagia.
Ngendika Rasulullah SAW:
عَجَبًا لأَمْرِ الْمُؤْمِنِ
إِنَّ أَمْرَهُ كُلَّهُ خَيْرٌ وَلَيْسَ ذَاكَ لأَحَدٍ إِلاَّ لِلْمُؤْمِنِ إِنْ
أَصَابَتْهُ سَرَّاءُ شَكَرَ فَكَانَ خَيْرًا لَهُ وَإِنْ أَصَابَتْهُ ضَرَّاءُ
صَبَرَ فَكَانَ خَيْرًا لَهُ
“Temen
nggumunake perkarane wong mukmin iku, sanyatane kabeh kahanane iku becik lan
ora ana kang bisa mengkono kejaba wong mukmin. Menawa pekoleh kesenengan deweke
syukur, mula syukur iku becik tumrap deweke. Lan menawa pekoleh kasusahan
deweke sabar, mula sabar iku becik tumrap deweke.” (HR. Muslim:2.999)
Jamah jumah rahimakumullah
Mekaten ingkang khatib
aturaken ing khutbah jumat siang punika. Sumangga tansah njagi kerukunan
panggesangan kanthi nindhakaken adab ingkang sae. Mboten perlu umuk rikalanipun
menang, lan mboten perlu ngamuk rikalanipun kawon. Mugi kula lan panjenengan
tansah kalebet kawulanipun Allah ingkang kaparingan hidayah ugi taufik. Amiin
أَقُوْلُ
قَوْلِي هَذَا وَاسْتَغْفِرُ
اللهَ لِي وَلَكُمْ
وَلِسَائِرِ
المُسْلِمِيْنَ
إِنَّهُ هُوَ السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ عَلَى أَشْرَافِ الأَنْبِيَاءِ وَالمرْسَلِيْنَ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
وَأَشْهَدُ أَنْ لاَ
إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
اِنَّ اللهَ وَمَلاَئِكَتَهُ يُصَلُّوْنَ عَلىَ النَّبِىْ يَاَ يُّهَاالَّذِيْنَ آمَنُوْاصَلُّوْاعَلَيْهِ وَسَلِّمُوْا تَسْلِيْمًا
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى
إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيد ، اللَّهُمَّ بَارِكْ
عَلَى مُحَمَّدٍ وَعَلَى آل مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى
آلِ إِبْرَاهِيمَ إِنَّكَ حَمِيدٌ مَجِيد.
اللهُمَّ اغْفِرْ لِلْمُسْلِمِيْنَ وَالمسْلِمَاتِ وَالمؤْمِنِيْنَ وَالمؤْمِنَاتِ الأَحْيَاءِ مِنْهُمْ وَالأَمْوَاتِ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق