Teks Khutbah Jumat Singkat
Gesang Samadya
Ustadz Wismanto
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ, وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
Jamaah jumah rahimakumullah
Sumangga tansah munjuk
syukur dhumateng Allah Ta’ala ingkang tansah paring rahmat
taufik sarta hidayah dhumateng kula lan panjenengan. Shalawat ugi salam mugi
tansah katetepaken dhumateng nabi Muhammad SAW ingkang tansah kita tengga syafaatipun wonten ing
dinten kiyamah.
Jamaah jumah rahimakumullah
Wonten kesempatan khutbah siang punika khatib wasiat
sumangga tansah ningkataken taqwa dhumateng Allah kanti
nindakaken dhawuhipun lan nebihi awisanipun. Mugi kanti taqwa Allah
tansah paring kamulyan fiddunya wal akhirah. Amiin.
Jamaah jumah rahimakumullah
Islam
paring piwucal sampurna menggah tatacara nggayuh panggesangan ingkang bahagia
lahir lan bathin. Piwucal sampurnapurna punika sampun nate dipun praktekaken
dening kanjeng nabi lan sedaya para penderekipun ing jaman rumiyin. Sedaya
manungsa ingkang lumampah kanthi piwucal punika estu gesangipun ayem tentrem bahagia
lahir bathin. Salah setunggal piwucal kasebat inggih punika dhawuh gesang
kanthi samadya. Gesang samadya inggih punika gesang kanthi sederhana,
ngutamaaken kabetahaan ing atase kepinginan sanesipun. Gesang samadya punika sanes gesang miskin
utawi kesed nyambut damel. Gesang samadya punika tegesipun tetep semanggat
makarya ngupadi rejeki ananging anggenipun mblanjakaken bandha boten boros lan
foya foya. Ngendika Allah ing Al- Quran:
يٰبَنِيْٓ اٰدَمَ خُذُوْا
زِيْنَتَكُمْ عِنْدَ كُلِّ مَسْجِدٍ وَّكُلُوْا وَاشْرَبُوْا وَلَا تُسْرِفُوْاۚ
اِنَّهٗ لَا
يُحِبُّ الْمُسْرِفِيْنَ
“He
anak putune Adam, sira pada nganggoa sandhanganira ana ing ngendi masjid lan
pada mangana lan ngombea ananging aja pada leluwihan, satemene Allah iku ora
remen marang wong kang leluwihan.” (QS Al- A’raf:31).
Jamaah jumah rahimakumullah
Ing ayat punika Allah ngawisi tatacara gesang
ingkang leluwihan utawi boros ing bab punapa kemawon. Dahar ngunjuk kedahipun
samadya kemawon boten pareng leluwihan amargi badan punika boten betahaken
asupan daharan ingkang leluwihan. Malah kepara menawi kula lan panjenegan
leluwihan anggenipun dahar ngunjuk saget ndumugiaken penyakit ing badan.
Ngangem rasukan ugi dipun awisi leluwihan, samadya
kemawon ingkang baken nutup aurat lan pantes miterat norma kesopanan. Mboten
perlu ngagem rasukan ingkang mewah ingkang reginipun awis sanget, amargi boros
ing bab rasukan punika sanes cirinipun tiyang mukmin. Allah ngendika:
اِنَّ الْمُبَذِّرِيْنَ كَانُوْٓا اِخْوَانَ
الشَّيٰطِيْنِۗ وَكَانَ الشَّيْطٰنُ لِرَبِّهٖ كَفُوْرًا ٢٧
“Satemene wong kan leluwihan (boros) iku kancane
setan, ing mangka setan iku banget kufure marang Pengerane”. (al- Isra’:27).
Jamaah jumah rahimakumullah
Menawi kula lan panjenengan murajaah waosan sejarah
panggesanganipun Rasulullah, estu kula lan panjenegan badhe manggihi tuladha
ingkang sampurna. Rasulullah pinangka pemimpin umat manungsa kanyata gesangipun
estu sanget samadya tebih saking panggesangan ingkang mewah.
1. Sederhana
ing bab daharan
Nabi punika sanget sederhana ing bab dahar,
piyambakipun boten nate wareg menawi dahar, malah kepara setunggal dinten dahar
lan kalih dinten boten dahar. Ananging sanadyan mekaten malah badanipun sehat
boten nate gerah napa malih dipun serang penyakit. Anggenipun nyenyuwun
dhumateng Allah ing bab rejeki ugi namung samadya kemawon, Panjeneganipun nate
ndonga:
اللَّهُمَّ اجْعَلْ رِزْقَ آلِ مُحَمَّدٍ قُوتًا
“Ya Allah mugi Panjenegan paring rejeki dhumateng
keluarga muhammad sacekapipun kemawon”. (HR. Muslim).
2. Sederhana
ing bab rasukan
Wonten ing hadits Imam Bukhari nomor 63 lan hadits
Imam Muslim nomor 12 setunggal dinten wonten tiyang arab badui tindak madinah
badhe sowan Rasulullah lajeng madosi panjeneganipun Rasulullah ing setungal
majlis lajeng rumaos kaget amargi rumoasipun bilih Nabi Muhammad punika
rasukanipun sae kadosdene piyayi utawi pejabat. Ingmangka nabi ingkang dipun
padosi niku rasukanipun namung sami kaliyan rakyat biasa kepara malah langkung
sederhana tinimbang para penderekipun.
Jamaah jumah rahimakumullah
Kanthi punika sumangga kula lan panjenengan tansah nuladhani
lampah panggesangan ingkang utama saking baginda nabi Muhammad SAW. Estu kanthi
nuladhani tatacara gesang ingkang samadya punika saget andadosake minulya lan
bahagianipun gesang kula lan panjenengan ing donya lan akhirat. Amiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ
عَلَى أَشْرَافِ الأَنْبِيَاءِ
وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
يَا أَيُّهَا الَّذِينَ
آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
إِنَّ
اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا
صَلُّوا عَلَيْهِ وَسَلِّمُوا تَسْلِيمًا
اَللَّهُمَّ
صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ
وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ
اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ
مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ
أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
إرسال تعليق