Teks Khutbah Jumat Singkat
Nabi Isa Utusanipun
Allah
Ustadz Wismanto,S.Pd.I
Khutbah Awal
إِنَّ الْحَمْدَ لِلَّهِ نَحْمَدُهُ
وَنَسْتَعِينُهُ وَنَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَ
مِنْ سَيِّئَاتِ أَعْمَالِنَا مَنْ يَهْدِ اللَّهُ فَلاَ مُضِلَّ لَهُ وَمَنْ
يُضْلِلْ فَلاَ هَادِىَ لَهُ, وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ
مُحَمَّدًا عَبْدُهُ وَرَسُولُهُ, اللّهُمَّ
صَلِّ عَلَى نَبِيِّنَا مُحَمَّدٍ وَعَلَى آلِهِ وَمَنْ تَبِعَهُمْ بِإِحْسَانٍ
إِلَى يَوْمِ الدِّيْنِ, يَا أَيُّهَا
الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا
وَأَنْتُمْ مُسْلِمُونَ
Jamaah jumah rahimakumullah
Puji syukur tansah kunjuk dhumateng Allah Ta’ala ingkang
tansah paring rahmat lan taufiq dhumateng kula lan panjenengan satemah ing
siang punika kula lan panjenengan saget pinanggih wonten majelis ingkang
minulya kanthi kebak kawilujengan. Shalawat ugi salam mugi tansah katetepaken dhumateng nabi Muhammad SAW
ingkang tansah kita tengga syafaatipun wonten ing
dinten akhi
Jamaah
jumah rahimakumullah
Wonten kesempatan khutbah siang punika khatib wasiat sumangga tansah ningkataken taqwa dhumateng
Allah kanthi nindakaken dhawuhipun lan nebihi awisanipun. Mugi
kanti taqwa Allah tansah paring kamulyan panggesangan wonten ing dunya dumugi
akhirat. Aamiin.
Jamaah
jumah rahimakumullah
Kalebet salah setunggal rukun iman ingkang wajib dipun pitadosi inggih
punika iman dhumateng nabi lan rasul. Nabi lan rasul punika manungsa
pilihanipun Allah ingkang kaparingan dhawuh supados paring bimbingan dhumateng
umat manungsa. Salah setunggal utusanipun Allah ingkang katah kaserat wonten
ing al- quran inggih punika Isa ‘Alaihis Salam. Mila wonten ing mimbar khutbah
jumat siang punika khatib badhe ngaturaken seperangan keteranggan al- quran
menggah sinten sejatosipun Isa ‘Alaihis Salam punika.
1.
Isa ‘Alaihis Salam
punika manungsa makhlukipun Allah.
Ngendika Allah SWT:
إِنَّ مَثَلَ عِيسَىٰ عِنْدَ اللهِ كَمَثَلِ آدَمَ
خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ
“Satemene sanepane Isa ana ing ngarsaning Allah iku kaya sanepane Adam,
Panjenegane Allah anitahake Adam saka lemah banjur dhawuh: “dadia ana” banjur
dadi ana”. (QS. Ali Imran : 59).
Ayat punika paring keterangan bilih Isa punika manungsa lumrah ingkang
dipun titahaken Allah SWT. Allah SWT anggenipun nitahaken nabi Isa dipun
sanepaaken mirip nalika nitahaken nabi Adam. Nabi Adam katitahaken Allah saking
siti/ lemah tanpa bapa tanpa ibu, ananging nabi Isa katitahaken kanthi ibu
tanpa bapa. Artosipun miyosipun Isa ‘Alaihis Salam punika sanes perkawis
ingkang Ajaib. Menggahipun Allah SWT miyosipun Isa punika perkawis ingkang
biasa kemawon. Amargi menawi badhe dipun anggep ajaib temtunipun langkung ajaib
Adam lan Hawa.
Jamaah
jumah rahimakumullah
Nabi Isa punika dipun miyosaken wanita suci lan minulya inggih punika
Maryam. Allah SWT milih Maryam saking sedaya wanita kagem miyosaken kawula lan
utusan pilihanipun. Kanthi punika cetha sanget bilih Isa ‘Alaihis Salam punika
manungsa lumrah sanes putranipun Allah kados ingkang dipun yakini seperangan
umat manungsa. Ngendika Allah:
وَقَالَتِ ٱلْيَهُودُ عُزَيْرٌ
ٱبْنُ ٱللَّهِ وَقَالَتِ ٱلنَّصَٰرَى ٱلْمَسِيحُ ٱبْنُ ٱللَّهِ ۖ ذَٰلِكَ
قَوْلُهُم بِأَفْوَٰهِهِمْ
“Wong Yahudi iku ngucap: Uzair iku putrane Allah lan wong Nasrani iku
angucap: Isa Al Masih iku putrane Allah. Mangkono iku pangucape kalawan lisan-
lisane kang ora kanthi keterangan ilmu…” (QS. At- Taubah: 30).
2.
Isa ‘Alaihis Salam nabi lan
rasulipun Allah
Allah SWT ngutus Isa ‘Alaihis Salam pinangka nabi lan rasul dhumateng kaum
bani israil. Ngendika Allah:
وَإِذْ قَالَ عِيسَى ٱبْنُ
مَرْيَمَ يَٰبَنِىٓ إِسْرَٰٓءِيلَ إِنِّى رَسُولُ ٱللَّهِ إِلَيْكُم مُّصَدِّقًا
لِّمَا بَيْنَ يَدَىَّ مِنَ ٱلتَّوْرَىٰةِ وَمُبَشِّرًۢا بِرَسُولٍ يَأْتِى مِنۢ
بَعْدِى ٱسْمُهُۥٓ أَحْمَدُ ۖ فَلَمَّا جَآءَهُم بِٱلْبَيِّنَٰتِ قَالُوا۟ هَٰذَا
سِحْرٌ مُّبِينٌ
“Lan padha elinga, nalika Isa putrane Maryam ngucap: He bani israil
satemene aku iki utusane Allah marang sira kabeh, ambenerake kitab sakdurungku
yaiku Taurat, lan aweh kabar bungah bakal rawuhe utusan sakpungkurku asmane
Ahmad. Wasana bareng nabi iku rawuh kanthi tandha yekti kang nyata, wong mau
padha ngucap: iki sihir kang nyata”. (QS. Ash- Shaff:6).
Wonten ing tafsir Ibnu Katsir dipun jelasaken: “Nabi Isa yaiku panutup para
nabi bani israil, dheweke ana ing tengah-tengah kaum bani israil paring kabar
bungah Amarga bakal rawuh nabi pungkasan pinangka panutup para nabi lan rasul
yaiku Ahmad utawa Muhammad”.
Ayat ing nginggil paring kabar bilih Isa ‘Alaihis Salam punika manungsa
ingkang dipun pilih Allah pinangka nabi lan rasul ing kalangan bani israil.
Allah nitahaken Isa kadosdene nabi- nabi sanesipun. Allah SWT dawuh supados
nabi Isa ‘Alaihis ndandosi kapitadosan bani israil kanthi ngleresaken kitab
taurat lan ngajaraken kitab injil. Nabi Isa ‘Alaihis Salam ugi kaparingan dawuh
ingkang Istimewa inggih punika supados paring kabar menggah badhe rawuhipun
nabi lan rasul pungkasan ingkang asmanipun Muhammad SAW.
Jamaah jumah rahimakumullah
Kanthi keterangan ingkang cekak punika khatib ngajak
sumangga kula lan panjenengan tansah mitadosi Nabi Isa ‘Alaihis Salam kanthi
kapitadosan ingkang leres. Isa ‘Alaihis Salam punika sanes putranipun Allah,
ananging manungsa lumrah lan kapilih pinangkan nabi ugi rasulipun Allah SWT.
Akhiripun sumangga kula lan panjenengan tansah
ndedonga mugi Allah SWT tansah paring hidayah lan taufiq dhumateng kula lan
panjenengan sedaya. Amiin.
أَقُوْلُ
قَوْلِي
هَذَا
وَاسْتَغْفِرُ
اللهَ
لِي
وَلَكُمْ
وَلِسَائِرِ
المُسْلِمِيْنَ
إِنَّهُ
هُوَ
السَمِيْعُ
العَلِيْمُ
Khutbah
Kaping Kalih
الحَمْدُ للهِ رَبِّ العَالمِيْنَ وَالصَّلاَةُ وَالسَّلاَمُ
عَلَى أَشْرَافِ الأَنْبِيَاءِ
وَالمرْسَلِيْنَ نَبِيِّنَا مُحَمَّدٍ وَعَلَى آلِهِ وَصَحْبِهِ
أَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُولُهُ
يَا أَيُّهَا الَّذِينَ
آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ
مُسْلِمُونَ
إِنَّ
اللهَ وَمَلَائِكَتَهُ يُصَلُّونَ عَلَى النَّبِيِّ، يَا أَيُّهَا الَّذِينَ آمَنُوا
صَلُّوا عَلَيْهِ وَسَلِّمُوا تَسْلِيمًا
اَللَّهُمَّ
صَلِّ وَسَلِّمْ وَبَارِكْ عَلَى مُحَمَّدٍ وَعَلَى آلِهِ وَأَصْحَابِهِ وَقَرَابَتِهِ
وَأَزْوَاجِهِ وَذُرِّيَّاتِهِ أَجْمَعِيْنَ
اَللَّهُمَّ
اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اْلأَحْيَاءِ
مِنْهُمْ وَاْلأَمْوَاتِ، إِنَّكَ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ
اللَّهُمَّ
أَنْتَ اللَّهُ لَا إِلَهَ إِلَّا أَنْتَ. أَنْتَ الْغَنِيُّ وَنَحْنُ الْفُقَرَاءُ
اللَّهُمَّ إِنَّا نَسْأَلُكَ الهُدَى وَالتُّقَى وَالعَفَافَ وَالغِنَى
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Untuk membaca atau mencetak file khutbah jumat singkat berbahasa Jawa ini dalam bentuk PDF silahkan download melalui tautan berikut ini :
إرسال تعليق